ჩიქოვანის ადვოკატი - საქმეში არ არის მტკიცებულება, რომელიც ვახტანგ ჩიქოვანის გიორგი შაქარაშვილთან შემხებლობას დაადასტურებდა

2020-08-11 17:00:21, 1152 ნახვა

სამართალი

გიორგი შაქარაშვილის გარდაცვალების საქმეზე დაკავებული ვახტანგ ჩიქოვანისა და ნიკა ჟვანიას ადვოკატის არჩილ ბერიანიძე აცხადებს, რომ საქმეში არაა რაიმე მტკიცებულება, რომელიც ვახტანგ ჩიქოვანის გიორგი შაქარაშვილთან შემხებლობას დაადასტურებდა.

ადვოკატი აცხადებს, რომ მისთვის პროკურატურის გადაწყვეტილება ბრალის დამძიმებასთან დაკავშირებით მოულოდნელი იყო.

„არანაირ მტკიცებულებაზე საუბარი არაა, რომელიც ირიბად მაინც ვახტანგ ჩიქოვანის რაიმე შემხებლობას გამოკვეთდა გარდაცვლილი გიორგი შაქარაშვილთან. ამ გარემოებებიდან გამომდინარე რა თქმა უნდა, ჩვენთვის მოულოდნელი იყო პროკურატურის ეს პოზიცია“, - განაცხადა ბერიანიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან