2020-07-31 12:41:28, 3854 ნახვა
კომენტარი
ელენე ხოშტარია - ვიმედოვნებ, პრეზიდენტი რურუას შეწყალების შანს ხელიდან არ გაუშვებს
„ევროპული საქართველოს“ წევრი ელენე ხოშტარიას იმედი აქვს, რომ პრეზიდენტი სალომე ზურაბიშვილი გიორგი რურუას შეწყალების შანსს ხელიდან არ გაუშვებს.
მისი თქმით, რურუას განაჩენი და წინასაარჩევნო პერიოდში სასამართლოს მსგავსი გამოყენება, პოლიტიკურ კლიმატს აზიანებს.
„წინასაარჩევნო პერიოდში სასამართლოს მსგავსი გამოყენება აზიანებს პოლიტიკურ კლიმატს. სწორედ ამას გვეუბნებიან ჩვენი პარტნიორებიც, სწორედ ამიტომ იყო გიორგი რურუას საქმე 8 მარტის შეთანხმების ნაწილი და ჩვენ, რა თქმა უნდა, უნდა ვეძებოთ გამოსავალი და ეს გამოსავალი დღეს იქნებოდა პრეზიდენტის მხრიდან გიორგი რურუას შეწყალება. მე ვიმედოვნებ, რომ პრეზიდენტი ამ შანს ხელიდან არ გაუშვებს“, - განაცხადა ხოშტარიამ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
