ფრაქცია „ნაციონალური მოძრაობის“ თავმჯდომარის მოადგილის, სალომე სამადაშვილის განცხადებით, შეუძლებელია, რომ სასამართლომ გიორგი რურუას საწინააღმდეგო განაჩენი მიიღოს.

მისი თქმით, სასამართლოზე წნეხის მოხსნა დღეს „ქართული ოცნების“ ინტერესებში შედის.

„იმ ფონზე, როდესაც ჩვენი დასავლელი პარტნიორები ყოველდღიურ რეჟიმში მოუწოდებენ ხელისუფლებას, რომ გაათავისუფლონ სასამართლო პოლიტიკური წნეხისგან და არ გამოიყენოს მართლმსაჯულების სისტემამ პოლიტიკური მიზნებისთვის, ვფიქრობ, რომ დღეს „ქართული ოცნების“ ინტერესებში იქნება, მოხსნას წნეხი სასამართლოზე. დამოუკიდებელ რეჟიმში დარწმუნებული ვარ, რომ შეუძლებელია სასამართლომ მიიღოს გიორგი რურუას საწინააღმდეგო განაჩენი“, - განაცხადა სალომე სამადაშვილმა.

შეგახსნებთ, რომ ამ წუთებში თბილისის საქალაქო სასამართლოში ტელეკომპანია „მთავარი არხის“ ერთ-ერთი მეწილის, გიორგი რურუას პროცესი მიმდინარეობს. შესაძლოა, მოსამართლემ საბოლოო განაჩენი დღეს გამოაცხადოს.

ავტორი: ექსპრესნიუსი,

სოციალური ქსელები

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა

ბიზნესმენ ირაკლი რუხაძის რუსთავის ფოლადმა არმატურის ბიზნესი გაყიდა

პოლიციამ ბათუმში ორი პირის მიმართ ჩადენილ ჯანმრთელობის მსუბუქად დაზიანების ფაქტზე 2 პირი დააკავა

საქართველოს ბანკის მხარდაჭერით ქუთაისში მეწარმე ქალთა განვითარების პროგრამა გაიმართა