ევროსაბჭოს სესიაზე დეპუტატმა თინა ხიდაშელმა სიტყვით გამოსვლისას რუსეთის საოკუპაციო ძალების ქმედებები დაგმო. 

მან ყურადღება რუსეთ–აფხაზეთს შორის გაფორმებულ  „მოკავშირეობისა და ინტეგრაციის“ შესახებ ე.წ. ხელშეკრულებაზე გაამახვილა ყურადღება და შეშფოთება გამოთქვა იმასთან დაკავშირებით, რომ რუსეთი მსგავსი ტიპის ხელშეკრულების  გაფორმებას ცხინვალის რეგიონთანაც გეგმავს. 

„ევროპამ და დემოკრატიულმა სამყარომ ყველა ღონე უნდა იხმაროს იმისთვის, რომ რუსეთის აგრესია და სუვერენული ქვეყნის  ტერიტორიების ოკუპაცია შეაჩეროს. რუსეთი უფრო და უფრო  მეტი ტერიტორიების ანექსიას ახდენს.  რამდენიმე წლის წინ მათ აგრესია განახორციელეს ჩემი ქვეყნის წინააღმდეგაც და მოახდინეს საქართველოს ტერიტორიების უკანონო ოკუპაცია. ამას აკეთებს ევროსაბჭოს წევრი ერთი ქვეყანა , მეორე წევრი ქვეყნის წინააღმდეგ, რაც დაუშვებელია“, – აღნიშნა ხიდაშელმა.
მისივე შეფასებით, რუსეთის ამბიციურ ქმედებებს ათასობით ადამიანი ეწირება. 
აქედან გამომდინარე, ხიდაშელმა ევროსაპარლამენტო დეპუტატებს კიდევ ერთხელ მოუწოდა, დღეს დაგეგმილ კენჭისყრაზე რუსეთის წინააღმდეგ დამატებით სანქციები ამოქმედდეს. 
„ჩვენ მხარდაჭერას ვუცხადებთ უკრაინას , რომლის წინააღმდეგაც რუსეთი სამხედრო აგრესიას ახორციელებს. რუსეთის იმპერიულ ამბიციებს ეწირება ათასობით ადამიანი, მილიონობით კი დევნილი ხდება.  საკითხავია კიდევ რამდენი ადამიანი უნდა დაიღუპოს. რამდენი უნდა იქცეს ლტოლვილად, რამდენი ოკუპაცია და ანექსია, რამდენი ეთნიკური წმენდა უნდა მოხდეს. სახეზე გვაქვს უკრაინის, საქართველოს , მოლდოვას, მთიანი ყარაბაღის მაგალითები. დროა რუსეთი შევაჩეროთ“, – განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან