,,ქართული ოცნების" მაჟორიტარი დეპუტატის, დიმიტრი ხუნდაძის განცხადებით , საკონსტიტუციო ცვლილებებთან დაკავშირებით, საზოგადოება მაჟორიტარებისგან სიურპრიზს აღარ უნდა ელოდოს.

დეპუტატის განმარტებით, მაჟორიტარების მოთხოვნათა დიდი ნაწილი შესრულებულია.

,,არა, წინანდელი მაჟორიტარებისაგან განსხვავებით, ამჯერად სიურპრიზს არ უნდა ელოდოთ, იმის გამო, რომ ჩვენი მოთხოვნები დაკმაყოფილებულია. ერთი ის, რომ საკონსტიტუციო ცვლილებით მაჟორიტარული მდგენელი იქნება შენარჩუნებული. არა იმ რაოდენობით, რაც ვითხოვეთ, მაგრამ შენარჩუნებული იქნება. ასევე, მეორე ჩვენი მოთხოვნა, რომ შესაძლოა, ვადამდელი არჩევნები ჩატარდება არა პროპორციული, არამედი იმ სისტემით, რა სისტემაც აქამდე იყო. მაქვს იმედი, რომ კენჭისყრაზე საკმარისი ხმები იქნება.

რაც შეეხება ოპოზიციას, მე არამგონია, რომ მათ შეძლონ იმ წარსული საქმიანობის საზოგადოებისთვის გადამალვა, რაც სამწუხაროდ, ძალიან კარგად ახსოვს ჩვენს საზოგადოებას. ნუ თვლიან, რომ საზოგადოებას აქვს ბრმა ამნეზია, მათ ყველაფერი ძალიან კარგად ახსოვთ. სწორედ ამ ცნობადობით იქნება შეფასება და ისინი აუცილებლად დამარცხდებიან, - განაცხადა დიმიტრი ხუნდაძემ.

ავტორი: ექსპრესნიუსი,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის