აჭარის ა/რ ჯანმრთელობისა და სოციალური დაცვის მინისტრის მოადგილე ზურაბ თენიეშვილი აჭარის ა/რ საზოგადოებრივი ჯანდაცვის ცენტრის ხელმძღვანელ კობა ნაკაიძესთან, ქ. ბათუმის რესპუბლიკური კლინიკური საავადმყოფოს დირექტორ მალხაზ ხალვაშთან, სამედიცინო ცენტრ „მედცენტრი“-ს დირექტორ მიშა ართმელაძესთან და ჯანმრთელობის ცენტრ „მედინა“-ს კარდიოლოგიური დეპარტამენტის უფროს იოსებ სიხარულიძესთან ერთად 22-26 აგვისტოს საპასუხო ვიზიტით უკრაინის ქ. ტერნოპოლში იმყოფებოდა. 
აწარის ჯანდაცვის სამინისტროს ინფორმაციით, უკრაინის რესპუბლიკაში აჭარის რეგიონის ჯანდაცვის სფეროს წარმომადგენელთა ვიზიტი „აჭარის ექიმთა გაერთიანებული საზოგადოების“ ორგანიზებით და  ტერნოპოლის მერიის მიწვევით შედგა.
მათივე ცნობით,  ვიზიტის ფარგლებში დელეგაციის წევრებმა ოფიციალური შეხვედრები გამართეს ტერნოპოლის მერიისა და საკრებულოს წარმომადგენლებთან. გაეცნენ ქალაქის ჯანდაცვის სისტემას. მოინახულეს სახელმწიფო და კერძო სამედიცინო დაწესებულებები, მათ შორის, ქ. ტერნოპოლის N2 მუნიციპალური საავადმყოფო, თვალის მიკროქირურგიის კლინიკა „მედიკუს“-ი და ქ. ტერნოპოლის გადაუდებელი სამედიცინო დახმარების ცენტრი. მხარეებს შორის თანამშრომლობა სამომავლოდაც გაგრძელდება. უკრაინის ქ. ტერნოპოლის მედიკოსთა 6 კაციანი დელეგაცია აჭარის ავტონომიურ რესპუბლიკას 1-6 ივლისს სტუმრობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა