ალასანია: ნატო-საქართველოს წვრთნისა და შეფასების ცენტრის გახსნა თავდაცვისუნარიანობის ამაღლებისკენ გადადგმული ნაბიჯია

2015-08-27 11:20:16, 507 ნახვა

პოლიტიკა

„თავისუფალი დემოკრატების“ ლიდერის ირაკლი ალასანიას შეფასებით, ნატო-საქართველოს წვრთნისა და შეფასების ცენტრის გახსნა საქართველოს თავდაცვის უნარიანობის ამაღლებისკენ გადადგმული ნაბიჯია.
ირაკლი ალასანიამ ქართულ საზოგადოებას ნატო-საქართველოს ერთობლივი ცენტრის დაარსება მოიულოცა და აღნიშნა, რომ ეს წარმატება უელსის სამიტზე იქნა მიღწეული.
„დღეს ამ ცენტრის გახსნა არის საქართველოს სახელმწიფოებრიობის გაძლიერებისკენ, ჩვენი თავდაცვისუნარიანობის ამაღლებისკენ, პროფესიული არმიის ჩამოყალიბებისკენ გადადგმული ერთ-ერთი ყველაზე ეტაპობრივი და მნიშვნელოვანი ნაბიჯი. მე დიდი იმედი მაქვს, რომ მთლიანად გაგრძელდება არსებითი პაკეთის სხვა ელემენტების შესრულება და საქართველო უფრო დაცული იქნება ყველა სხვა უსაფრთხოების გამოწვევებზე“,-განაცხადა ირაკლი ალასანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან