ვარკეთილში, ერთ-ერთ საცხოვრებელ ბინაში ჩაკეტილ შეიარაღებულ პირთან სამართალდამცველები მოლაპარაკებას აწარმოებენ, - ამის შესახებ ჟურნალისტებს საპატრულო პოლიციის უფროსმა, ვაჟა სირაძემ განუცხადა.

როგორც მან აღნიშნა, ამ დროისთვის, პიროვნება შეიარაღებულია და ჩაკეტილია საცხოვრებელი სახლის პირველ სართულზე.

„ამ ეტაპისათვის, როგორც მოგეხსენებათ, პიროვნება არის შეიარაღებული, სავარაუდოდ ნასვამ მდგომარეობაში, ჩაკეტილია საცხოვრებელი სახლის პირველ სართულზე, საიდანაც მოახდინა რამოდენიმე გასროლა უმისამართოდ. სამართალდამცველები არიან მობილიზებულნი პერიმეტრზე, მოსახლეობის უსაფრთხოება დაცულია, ასევე, დამატებით გაცნობებთ, რომ არავინაა დაშავებული და კონკრეტულად არავის მიმართ არ განუხორციელებია გასროლა. ოჯახის წევრები, შვილები, მეუღლე, არიან უსაფრთხო მდგომარეობაში. ამ ეტაპისათვის, მიმდინარეობს მოლაპარაკებები ამ ადამიანთან, როგორც პირადად, ასევე სატელეფონო საუბრის მეშვეობით“, - განაცხადა ვაჟა სირაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე