„მსოფლიოში ვერც ერთი ქვეყანა ცალკე აღებული ვირუსს ვერ დაამარცხებს“, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, ესაა გლობალური გამოწვევა და მასთან გამარჯვება მსოფლიო ერთად უნდა იზეიმოს.

„მას შემდეგ რაც საზოგადოებრივი ტრანსპორტი ამოქმედდა დღეს შეგვიძლია ვთქვათ რომ ღია რესტორნები, სავაჭრო ცენტრები, მოლები, ყველა სახის ბაზრობები არის გახსნილი. რეალურად ფაქტია ის, რომ ეს ყველაფერი იწვევს ქვეყანაში ჩვენი მოქალაქეების მობილობის ზრდას, რაც ვირუსის გავრცელების უფრო მეტ რისკს ქმნის.

ჩვენ ყველას კარგად უნდა გვესმოდეს, რომ ვირუს ჩვენ არ დაგვიმარცხებია. საერთოდ შეუძლებელია ცალკე აღებულ ქვეყანაში ვირუსის დამარცხება. მსოფლიოში ვერც ერთი ქვეყანა ცალკე აღებული ვირუსს ვერ დაამარცხებს. ესაა გლობალური გამოწვევა და მასთან გამარჯვება მსოფლიო ერთად უნდა იზეიმოს. ამიტომ ჩვენი მთავარი ამოცანაა ვირუსის გავრცელების კონტროლი როგორც დროში, ასევე სივრცეში. ამას იმიტომ ვამბობ, რომ ბოლო ორი დღის განმავლობაში ჩვენ ქვეყანაშ გაგვიჩნდა ორი ახალი კლასტერი ერთი თბილისში და ერთი მარნეულში.

აქ თითოეული ჩვენგანის პასუხისმგებლობა არის ელემენტარული წესების დაცვა და მინდა თითოეულ ჩვენგანს მოვუწოდო რომ ვატაროთ ნიღბები. ესაა უკიდურესად მნიშვნელოვანი“, - განაცხადა პრემიერმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია