პირველ საუნივერსიტეტო კლინიკაში შვიდი კოვიდინფიცირებული პაციენტი მკურნალობს

2020-05-28 10:54:13, 16713 ნახვა

ომი უკრაინაში

თსსუ-ის პირველი საუნივერსიტეტო კლინიკის ინფორმაციით, ბოლო მონაცემებით, მათთან მოთავსებულია 15 პაციენტი, საიდანაც 7 მათგანი კოვიდინფიცირებულია.

აღნიშნულ ინფორმაციას საუნივერსიტეტო კლინიკა ფეისბუქგვერდზე ავრცელებს.

„28 მაისის მონაცემებით, ჩვენს კლინიკაში სულ მოთავსებულია 15 პაციენტი, აქედან კოვიდინფიცირებულია შვიდი პაციენტი. რეანიმაციის მიმართულებაში ერთი პაციენტი მკურნალობს. თერაპიულ მიმართულებაში მოთავსებულია 14 პაციენტი“, - აღნიშნულია პირველი საუნივერსიტეტო კლინიკის მიერ გავრცელებულ ინფორმაციაში.

როგორც მათ მიერ გავრცელებულ ინფორმაციაშია აღნიშნული, კლინიკაში კოვიდ19-ისგან გამოჯანმრთელების ახალი შემთხვევა არ ფიქსირდება.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან