თბილისის ინფექციურ საავადმყოფოში კორონავირუსისგან 6 მოზარდი გამოჯანმრთელდა, - ამის შესახებ კლინიკის სამედიცინო დირექტორმა მარინა ეზუგბაიამ განაცხადა.

მისი თქმით, გამოჯანმრთელებულებმა უკვე დატოვეს კლინიკა.

„ჩვენთან ამ ეტაპზე მკურნალობს 34 პაციენტი. აქედან 33 არის დადასტურებული და ერთი არის შესაძლო შემთხვევა, რომელსაც გამოკვლევას ვუტარებთ და ვნახოთ. რვა ახალი დადასტურებული შემთხვევიდან ჩვენთან ორი შემთხვევა შემოიყვანეს. ორივე შემთხვევა არის საკარანტინე სივრციდან.

გამოჯანმრთელდა და გაეწერა გუშინ 6 პაციენტი, ანუ 97 პაციენტია ჩვენთან გამოჯანმრთელებული. ექვსივე არის მოზარდი და მათ დატოვეს კლინიკა დამაკმაყოფილებელ მდგომაროებაში“, - განაცხადა ეზუგბაიამ.

მანვე ისაუბრა კრიტიკულ პაციენტზე და აღნიშნა, რომ სამი დღეა რაც მისი მდგომარეობა სტაბილურია, თუმცა ჯერ რაიმეს პროგნოზირება ნაადრევია.

„ჩვენი კრიტიკული პაციენტი, რომლის მდგომარეობა დასტაბილურებულია უკვე მესამე დღეა, თუმცა ჯერჯერობით მისი მდგომარეობის პროგნოზირება შეუძლებელია. ერთი -ორი დღეც თუ მისი მდგომარეობა ასეთი სტაბილური იქნება, შეიძლება ვილაპარაკოთ მის გამოჯანმრთელებასა და კარგ პროგნოზზე, თუმცა ჯერ ამაზე ლაპარაკი ნაადრევია. ორი-სამი დღე გვინდა კიდევ რომ დავაკვირდეთ“, - აღნიშნა ეზუგბაიამ.

ეზუგბაიამ აღნიშნა, რომ სამი მძიმე პაციენტის მდგომარეობა დასტაბილურდა და ახლა ისინი საშუალო სიმძიმის პაციენტებს მიეკუთვნებიან.

„სამი მძიმე პაციენტის მდგომარეობა გაუმჯობესებულია და მძიმეთა სიიდან ამოღებულია და ამ ეტაპზე როგორც საშუალო სიმძიმის პაციენტები, ისე მოიაზრებიან. ამ ეტაპზე ჩვენთან ძირითადად საშუალო სიმძიმის პაციენტები მკურნალობენ“, - განაცხადა მარინა ეზუგბაიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

შსს: რუსთავში ჩხუბისას კაცი წაიქცა, დაზიანება მიიღო, გარდაიცვალა - დაკავებულია 5 პირი

Freedom House: აშშ-სთან ურთიერთობის გადატვირთვა პატიმრების გათავისუფლების გარეშე არ მოხდება

დონალდ ტრამპი - აშშ დღეს ღამით ძალიან ძლიერად დაარტყამს ირანს

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ