მიუხედავად იმისა, რომ ტესტირების რიცხვი გაიზარდა, ქვეყნის მასშტაბით კორონავირუსით ინფიცირების შემთხვევები შემცირდა, - ამის შესახებ პირველი საუნივერსიტეტო კლინიკის დირექტორმა, ლევან რატიანმა განაცხადა.

მანვე ჟურნალისტებთან საუბრისას აღნიშნა, რომ ამ ეტაპზე კოვიდინფიცირებული 61 პაციენტი მკურნალობს საუნივერსიტეტო კლინიკაში, დღეს 3 მათგანი გამოჯანმრთელებული დატოვებს კლინიკას.

„ამ ეტაპზე, კლინიკაში იმყოფება 61 პაციენტი. დღეს კლინიკიდან ეწერება 3 პაციენტი, გაგზავნილი გვაქვს რამდენიმე ტესტის პასუხი ლუგარის ლაბორატორიაში და თუ მოვიდა განმეორებით უარყოფითი პასუხი, ისინი დღის მეორე ნახევარში დატოვებენ კლინიკას.

რაც შეეხება მედპერსონალს, რომელიც ჩვენ კლინიკაშია, ერთი მათგანი გაეწერა და რამდენიმე რჩება. მათი მდგომარეობა სტაბილურია. როდესაც გავა პროტოკოლით გათვალისწინებული პერიოდი, ისინიც რამდენიმე დღეში დატოვებენ კლინიკას.

ბოლო პერიოდში, არა მხოლოდ ჩვენს კლინიკაში, ქვეყნის მასშტაბით შემცირდა ინიფიცირების შემთხვევები, იმისდა მიუხედავად, რომ ტესტირების რიცხვი გაიზარდა, რაც ყველას, მათ შორის მე და მედპერსონალს გვახარებს“, - განაცხადა რატიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება