თბილისის ინფექციურ საავადმყოფოში კოვიდ19-ით ინფიცირებული 7 პაციენტი მოათავსეს - ერთის მდგომარეობა კრიტიკულია

2020-05-02 10:44:52, 3725 ნახვა

ომი უკრაინაში

თბილისის ინფექციურ საავადმყოფოში კოვიდ19-ით ინფიცირებული 7 პაციენტი მოათავსეს.

საავადმყოფოს სამედიცინო დირექტორის, მარინა ეზუგბაიას განცხადებით, ამ შვიდიდან ერთის მდგომარეობა კრიტიკულია.

„დაგვემატა 16 დადასტურებული და ამჟამად გვყავს 582 დადასტურებული შემთხვევა. გამოჯანმრთელებული ქვეყანაში დაემატა 23 და გვყავს 207. ამ მონაცემების შეჯერებით, ამ ეტაპზე კოვიდ კლინიკებში 368 პაციენტი მკურნალობს. წყაროები უცვლელია, ამიტომ ამის დაზუსტებას არ აქვს მნიშვნელობა.

გუშინ ჩვენგან გაეწერა ერთი გამოჯანმრთელებული. დაგვემატა 7 ახალი დადასტურებული შემთხვევა, აქედან ერთი არის მძიმე, კრიტიკული მდგომარეობით. ესაა მაღალი ასაკის პირი, რომელსაც თან არსებული დაავადება აქვს, მძიმე გიპერტონული დაავადებითაა. ამ ეტაპზე მდგომარეობა ჯერჯერობით ასეთი გვაქვს“, - აღნიშნა მარინა ეზუგბაიამ.

ეზუგბაიას განცხადებით, შვიდ ახალ ინფიცირებულს შორის სამი არის მოზარდი.

„ამ შვიდში არის 3 მოზარდი ,მათი მდგომარეობა დამაკმაყოფილებელია. ამ ეტაპზე 13 მოზარდი გვყავს კლინიკაში. მათი მდგომარეობა კეთილსაიმედოა“, - განაცხადა მარინა ეზუგბაიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან