"არ შეიძლება სტრატეგიულ ურთიერთობებს უკრაინასა და საქართველოს შორის, გინდ პოლიტიკურს, გინდ ეკონომიკურს, ხელი შეუშალოს სააკაშვილის ფაქტორმა", - ასე გამოეხმაურა პარლამენტის პირველი ვიცესპიკერი გიორგი ვოლსკი უკრაინის მედიაში გავრცელებულ ინფორმაციას, რომ უკრაინის მთავრობამ,  უმაღლეს რადას მიმართა და  სააკაშვილის კანდიდატურა გაიწვია.

მისი თქმით, უკრაინას და საქართველოს გაცილებით მეტი აქვს სამომავლოდ, ერთობლივად გასაკეთებელი პოლიტიკურ სფეროში, ეკონომიკურ სფეროში, ასე რომ სააკაშვილის ფაქტორმა ამას ხელი არ უნდა შეუშალოს.

„თუკი საკითხი დღის წესრიგიდან მოიხსნა,  არა მარტო ვიცე-პრემიერად, არამედ საერთოდ  სამთავრობო სისტემაში სააკაშვილის საქმიანობის საკითხი, ეს იქნება პრაგმატული გადაწყვეტილება, არ შეიძლება სტრატეგიულ ურთიერთობებს უკრაინასა და საქართველოს შორის, გინდ პოლიტიკურს, გინდ ეკონომიკურს, ხელი შეუშალოს სააკაშვილის ფაქტორმა, რომელიც ფაქტიურად არის დამნაშავე.  გასამართლებულია სამივე ინსტანციის მიერ და დანაშაულებები საკმაოდ სერიოზულია, რაც დამტკიცებულია არა მარტო სასამართლოს მიერ, არამედ მთელმა საქართველომ იცის, ნებისმიერი პოლიტიკური რანგის და გემოვნების  ადამიანმა, რომ დანაშაულებები ნამდვილად იქნა ჩადენილი. ერთია ვინ როგორ აფასებს. მაგრამ უკრაინას და საქართველოს გაცილებით მეტი აქვს სამომავლოდ, ერთობლივად გასაკეთებელი პოლიტიკურ სფეროში, ეკონომიკურ სფეროში, ასე რომ სააკაშვილის ფაქტორმა ამას ხელი არ უნდა შეუშალოს", - განაცხადა გია ვოლსკიმ.​

ავტორი: ექსპრესნიუსი,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post