„ბიძინა ივანიშვილის ოჯახმა COVID 19-ის წინააღმდეგ 100 მილიონი ლარი ჩარიცხა,რაც კიდევ ერთხელ ადასტურებს იმას, რომ ბიძინა ივანიშვილის მთავარი მიზანი ქართველი ხალხის დახმარება და მათზე ზრუნვაა“, - ამის შესახებ საქართველოს თავდაცვის მინისტრმა ტელეკომპანია „POSTV“-ის გადაცემა „პოლიტიკურ პოსტში“ განაცხადა.

ირაკლი ღარიბაშვილმა კორონავირუსის გავრცელების წინააღმდეგ ხელისუფლების მიერ გადადგმულ ნაბიჯებზე ვრცლად ისაუბრა და განმარტა, რომ ხელისუფლების წარმატება პირველ რიგში ბიძინა ივანიშვილისა და მისი გუნდის - პარტია „ქართული ოცნების“ დამსახურებაა.

„ბატონი ბიძინა ივანიშვილი არის იქ, სადაც სჭირდება ხალხს და ქვეყანას. ადამიანს, რომელმაც საკუთარი შემოსავლებიდან სამ მილიარდ დოლარზე მეტი გაიღო ჩვენი ქვეყნისთვის 20-ზე მეტი წლის განმავლობაში, სხვა მიზანი და განზრახვა გარდა იმისა, რომ იზრუნოს სახელმწიფოზე და ქვეყნის განვითარებაზე, არ აქვს! ეს არაერთგზის საქმით დამტკიცდა და გამოიცადა, რომ მისი მიზანი, სიტყვა და საქმე გამოხატულია რეალურ შედეგებში. მისი ყველაზე დიდი ქველმოქმედება 2012 წელს საქართველოსთვის დიდი განსაცდელის, მიხეილ სააკაშვილის მოშორება იყო. შემთხვევითი არ ყოფილა ის, რომ 2012 წელს ბიძინა ივანიშვილმა წარმოუდგენელი გამარჯვება მოიპოვა, ამას უძღოდა უამრავი საქმე და მისი გონივრული გადაწყვეტილებები“, - განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე