გეგმაზომიერად და ძალიან წარმატებით მიმდინარეობს ბიზნესის ახალ წესებთან ადაპტაციის პროცესი -  ამის შესახებ მთავრობის ადმინისტრაციაში გამართულ ბრიფინგზე, ეკონომიკისა და მდგრადი განვითარების მინისტრმა, ნათია თურნავამ განაცხადა.

მან ასევე აღნიშნა, რომ გადამოწმების პროცესი ყოველდღიურად გაგრძელდება და დარწმუნებულები კომპანიები, რომლებსაც დრო მიეცათ ხარვეზების აღმოსაფხვრელად,   შეძლებენ საქმიანობის გაგრძელებას ისე, რომ სრულიად დაცულები იქნებიან ეპიდემიის გავრცელების რისკებისგან.

„გეგმაზომიერად და ძალიან წარმატებით მიმდინარეობს ბიზნესის ახალ წესებთან ადაპტაციის პროცესი - 6 და 7 აპრილის განმავლობაში ეკონომიკისა და ჯანდაცვის სამინისტროს უწყებების გაერთიანებული ძალებით მთელი საქართველოს მასშტაბით შემოწმდა 76 კომპანია,  აქედან 40 კომპანიაა ისეთი, რომლებსაც დროებით შეჩერებული აქვს  საქმიანობა და აპლიკაციის სახით სამინისტროში შემოიტანეს განაცხადი  საქმიანობის გასაგრძელებლად. ამ 40 კომპანიიდან დაკმაყოფილდა 26, ხოლო 14 კომპანიას დაუდგინდა ხარვეზი და მიეცა გარკვეული დრო გამოსასწორებლად. გადამოწმების პროცესი ყოველდღიურად გაგრძელდება და დარწმუნებულები ვართ, რომ კომპანიები, მათ შორის ისეთებიც, რომლებსაც დრო მიეცათ ხარვეზების აღმოსაფხვრელად,   შეძლებენ საქმიანობის გაგრძელებას ისე, რომ სრულიად დაცულები იქნებიან ეპიდემიის გავრცელების რისკებისგან" - განაცხადა ნათია თურნავამ.

როგორც მინისტრმა განმარტა,  განსაზღვრულია რამდენიმე პრიორიტეტული კრიტერიუმი, თუ რომელი ბიზნესი გადამოწმდება სხვებთან შედარებით უფრო ადრე.

„პირველ რიგში, ეს არის მიწოდებათა ჯაჭვი, რომლის მიხედვით ესა თუ ის ბიზნესი ემსახურება და აწვდის პროდუქციას კრიტიკულად მნიშვნელოვან საწარმოებს - მაგალითად, ეს არის  კვების ინდუსტრიისთვის ან სამედიცინო დარგისთვის გარკვეული მასალების და საქონლის, ასევე სისტემაშექმნელი საწარმოებისთვის ღირებულებათა ჯაჭვში გარკვეული პროდუქტის ან სერვისის მიწოდება" - აღნიშნა მინისტრმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს