მთავრობა ყურძნის სუბსიდირებას წელსაც მოახდენს.

როგორც სოფლის მეურნეობის მინისტრმა ოთარ დანელიამ ჟურნალისტებს განუცხადა, პრემიერ-მინისტრის დავალებით, წლევანდელ რთველზე მთავრობა ყურძნის სუბსიდირებას განახორციელებს.

მისივე თქმით, ძირითადად შარშანდელი მიდგომები გავრცელდება, თუმცა ასევე არის გარკვეული ცვლილებები.

"ჩვენთვის რთველი ერთ-ერთი მაღალპრიორიტეტულია. სუბსიდირება გადაწყდა, წელს იქნება სუბსიდირება პრემიერის დავალებით. ტარიფებისა და მეთოდოლოგიების შესახებ ინფორმაციას ხვალ მოგაწვდით. ძირითადად გავრცელდება შარშანდელი მიდგომები, თუმცა იქნება გარკვეული ცვლილებებიც“, - განაცხადა ოთარ დანელიამ.

ამასთან, სოფლის მეურნეობის მინისტრის თქმით, წელს ყურძნის მოსავალი ძალიან კარგია.

„მოსავალი არის ძალიან კარგი, მინიმუმ 30 პროცენტით მეტი ვიდრე შარშან. ეს გამოიწვია ბევრმა ღონისძიებამ, მათ შორის, სეტყვის საწინააღმდეგო ტექნოლოგიამ, რომელმაც მინიმუმ 32 პრევენცია განახორციელა წელს”, – განაცხადა ოთარ დანელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს: რუსთავში ჩხუბისას კაცი წაიქცა, დაზიანება მიიღო, გარდაიცვალა - დაკავებულია 5 პირი

Freedom House: აშშ-სთან ურთიერთობის გადატვირთვა პატიმრების გათავისუფლების გარეშე არ მოხდება

დონალდ ტრამპი - აშშ დღეს ღამით ძალიან ძლიერად დაარტყამს ირანს

შსს: დარიალზე რჩება 17 პირი, უკრაინულ მხარესთან მათ სამშობლოში დაბრუნებაზე ვმუშაობთ