ამ დღეს ბეშუმში   3 თვით მთაში იალაღებზე ამოსული ნათესავების მოსანახულებლად საქართველოს სხვადასხვა კუთხეებში ჩასახლებული აჭარლებიც ჩამოდიან და ადგილობრივებთან ერთად ზეიმობენ.  

აჭარის მთავრობის თავმჯდომარესთან ერთად შუამთობაზე დასასწრებად საქართველოს პრემიერ მინისტრი ირაკლი ღარიბაშვილი ხულოს ეწვია.  

ირაკლი ღარიბაშვილი შუამთობის დღესასწაულზე სხალთის ეპარქიის ეპისკოპოს მეუფე სპირიდონთან და დასავლეთ საქართველოს მუფტთან ბეგლარ ქამაშიძესთან ერთად მივიდა. ირაკლი ღარიბაშვილი ასევე დაესწრო დოღს და სპორტულ ღონისძიებებს. პრემიერთან ერთად ღონისძიებას აჭარის მინისტრთა კაბინეტის წევრებიც დაესწრნენ. 

ტრადიციულად შუამთობის დღესასწაულზე ახალდაქორწინებულებს გაბედნიერება საპატიო სტუმრებმა მიულოცეს და საჩუქრები გადასცეს.

საზეიმო კონცერტის დასრულების შემდეგ პრემიერ-მინისტრმა დღესასწაულზე შეკრებილ მემთეურებსა და სტუმრებს სიტყვით მიმართა.

პრემიერის განცხადებით, მთავრობამ  უკვე მიიღო მთის კანონი, რომელიც მომავლი წლიდან ამოქმედდება.

"უკვე მივიღეთ მთის კანონი, რომელიც უკვე ამოქმედდა და მომავალი წლიდან განსაკუთრებულად შეღავათიან და ხელშემწყობ პროგრამებს დავიწყებთ აჭარის მაღალმთიანეთსა და საქართველოს ყველა მთიან რეგიონში. მჯერა, რომ ეს იქნება დიდი სტიმულის მიმცემი აქ მცხოვრები ხალხისთვის", - აღნიშნა ირაკლი ღარიბაშვილმა.

ამასთან, როგორც დღესასწაულის დასრულების შემდეგ  აჭარის მთავრობის თავმჯდომარემ არჩილ ხაბაძემ აღნიშნა, ერთმანეთის გვერდით და შრომით შეიძლება სასურველი ქვეყნისთვის სასურველი  შედეგის მიღება.

 "მთავარია ერთმანეთის გვერდით ვიდგეთ და ვაკეთოთ  საქმე, რომელიც ჩვენს სოფელს, რეგიონს, ჩვენს ქვეყანას გამოადგება. მხოლოდ ერთად შრომით, ერთად ბრძოლით შეიძლება დასახული მიზნების მიღწევა და სასურველი შედეგის მიღება. მე მეამაყება, რომ ხულო აჭარის რეგიონია. "-განაცხადა არჩილ ხაბაძემ დღესასწაულის დასრულების შემდეგ.

შუამთობის დღესასწაული ხულოში   გრანდიოზული ფოიერვერკებით დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს