საქართველოს ეკონომიკისა და მდგრადი განვითარების მინისტრის შესაბამისი ბრძანებით, დღეიდან ევროპის ახალგაზრდული ოლიმპიადისადმი მიძღვნილი საფოსტო მარკები „ევროპის ახალგაზრდული ოლიმპიური ფესტივალი - თბილისი 2015“ მიმოქცევაში შევიდა.

ამის შესახებ „ექსპრესნიუსს“ ეკონომიკის სამინისტროდან აცნობეს.                                             

თბილისში რამდენიმე დღეში სტარტს ოფიციალურად აიღებს  ევროპის ახალგაზრდული ოლიმპიადა, რომელიც მსოფლიო მნიშვნელობის მოვლენას წარმოადგენს და ჩვენი დედაქალაქი მოექცევა მსოფლიოს სპორტული და არა მხოლოდ სპორტული საზოგადოების თვალთახედვის არეალში.

აღნიშნულ მოვლენას მიეძღვნა პრეზენტაცია, რომელიც საქართველოს ეკონომიკისა და მდგრადი განვითარების სამინისტროსა და შპს „საქართველოს ფოსტის“ ორგანიზებით, 22 ივლისს სასტუმრო „ქორთიარდ მარიოტში“ გაიმართა.

ღონისძიებაზე მისასალმებელი სიტყვა წარმოთქვეს  საქართველოს ეკონომიკისა და მდგრადი განვითარების მინისტრის მოადგილემ ნათია მიქელაძემ, საქართველოს ოლიმპიური კომიტეტის პრეზიდენტმა ლერი ხაბელოვმა და შპს „საქართველოს ფოსტის“ დირექტორმა ლევან ჩიკვაიძემ.

საფოსტო მარკებზე გამოსახულია ევროპის ახალგაზრდული ოლიმპიური ფესტივალის ოფიციალური ლოგო, ე.წ. თილისმა - ხოხობი და ფესტივალის სპორტული სახეობების სიმბოლოები. თითოეული საფოსტო მარკის ღირებულება იქნება 2 ლარი, ხოლო ორმარკიანი მცირე ფურცლის - 4 ლარი.

საფოსტო მარკების დიზაინერები არიან თამარ დემეტრაშვილი და გიორგი ქართველიშვილი.

ახალი საფოსტო მარკების შეძენა შესაძლებელი იქნება შპს „საქართველოს ფოსტის“ საფოსტო განყოფილებებსა და სერვის-ცენტრებში.  

საფოსტო მარკა წარმოადგენს ქვეყნის სუვერენიტეტის გამოხატვის ერთ-ერთ მნიშვნელოვან ატრიბუტს, რომელიც ასახავს ქვეყნის  საშინაო და საგარეო პოლიტიკური ცხოვრების მთავარ მოვლენებს, ისტორიულ წარსულს, კულტურას, ხელოვნებას, მიღწევებს სპორტში, მეცნიერებაში და საზოგადოებრივი ცხოვრების სხვადასხვა სფეროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს