თანასწორობის კვირეულის ფარგლებში, პრემიერ-მინისტრის მრჩეველი ადამიანის უფლებებისა და გენდერული თანასწორობის საკითხებში ლელა აქიაშვილი 203-ე სკოლის სმენადაქვეითებულ მოსწავლეებს შეხვდა. 

მთავრობის ადმინისტრაცია ევროპის საბჭოს ორგანიზებით გამართულ თანასწორობის კვირეულში სხვა სამთავრობო უწყებებთან ერთად მონაწილეობს, რომელიც კამპანიის „მე ვირჩევ თანასწორობას“ ფარგლებში ხორციელდება.

„თანასწორობა არამხოლოდ იდეალისტური, არამედ პრაქტიკული ღირებულებაა. ის ეხება თითოეულ ჩვენგანს ყოველდღე და ყველა გარემოში. შესაბამისად, თანასწორობის დაცვა და ამ უფლების გარანტია საქართველოში მცხოვრები თითოეული ადამიანისათვის ჩვენი ერთ-ერთი უმთავრესი ამოცანა და პრიორიტეტია“, - განაცხადა ლელა აქიაშვილმა.

აღნიშნული კვირეულის ფარგლებში მთელი ქვეყნის მასშტაბით დაგეგმილია საინფორმაციო ღონისძიებები, რომელიც ახალგაზრდებს, სხვადასხვა პროფესიის ადამიანებსა და ჯგუფის წარმომადგენლებს შესაძლებლობას მისცემს, მიიღონ და გაიღრმავონ ინფორმაცია თანასწორობის მნიშვნელობასა და დისკრიმინაციის აკრძალვის შესახებ და გაეცნონ დისკრიმინაციის ყველა ფორმის წინააღმდეგ ბრძოლის სამართლებრივ მექანიზმებს.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ