პარლამენტის თავმჯდომარე არჩილ თალაკვაძე „საერთაშორისო რესპუბლიკური ინსტიტუტის“ (IRI) კვლევის შედეგებს აფასებს და ამბობს, რომ საუკეთესო კვლევა არჩევნებია და მთავრობა ყველაზე მეტად ენდობა მოქალაქეების მიერ გაკეთებულ არჩევანს.

მისი თქმით, გამოქვეყნებულ კვლევაში პოლიტიკოსების ათეულში ოპოზიციის ის ლიდერები არიან, რომლებიც გამოირჩევიან დესტურქციული მოქმედებებით.

„საზოგადებრივი აზრის საუკეთესო კვლევა არის არჩევნები, შესაბამისად ჩვენ ყველაზე მეტად ვენდობით მოქალქეებს და მათ მიერ გაკეთებულ არჩევანს. 2020 წელს რა არჩევანსაც გააკეთებენ ჩვენი თანამოქალაქეები, მივიღებთ და ვენდობით ამ არჩევანს.

რაც შეეხება კვლევას, როგორც ნახეთ თუ დაუჯერებთ მათ შედეგებს, პოლიტიკოსების ათეულში 8 საუკეთესო შედეგი აქვთ ოპოზიციის იმ ლიდერებს, რომელთა ნაწილიც დესტრუქციული მოქმედებებით გამოირჩევა და შესაბამისად, გაუგებარია თუ მათ სჯერათ ამ შედეგების და აქვთ ასეთი მხარდაჭერა, რატომ არ იღებენ ეს ადამიანები მაგალითად მაჟორიტარულ ოლქებში არჩევნებში მონაწეილეობას. იმიტომ რომ თუ ამ შედეგებს დავუჯერებთ, ამ ოპოზიციის ლიდერებს გარანტირებული უნდა ჰქონოდათ წარსულშიც და მომავალშიც მაჟორიტარულ არჩევნებში გამარჯვება“, - განაცხადა პარლამენტის თამვჯდომარემ.

თალაკვაძემ აღნიშნა, რომ მისთვის გაუგებარია დემონსტრაციის მეორე დღეს კვლევის შედეგების გამოქვეყნება და უმჯობესი იქნებოდა ეს კენჭისყრამდე, პოლიტიკური კონსულტაციების დროს მომხდარიყო.

„ჩემთვის გაუგებარი რჩება რას ნიშნავს და რა მიზანს ემსახურება ამ შედეგების გამოქვეყნება დემონსტრაციის მეორე დღეს, მე ვფიქრობ  გაცილებით სასარგებლო იქნებოდა ეს შედეგები გამოქვეყნებულიყო კენჭისყრამდე, პოლიტიკური კონსულტაციების დროს, ვინაიდან აქ არის საზოგადოება გამოკითხული არჩევნების მოდელთან დაკავშირებითაც და ალბათ ეს შედეგები უფრო მეტად წაადგებოდა გადაწყვეტილები მიღებამდე პოლიტიკურ პროცესს“, - განაცხადა პარლამენტის თავმჯდომარემ.

ავტორი: ექსპრესნიუსი,

სოციალური ქსელები

უცნობი იუმორისტზე თავდამსხმელის გათავისუფლებაზე - ცემა ძალადობა არის, მაგრამ კონკრეტულ შემთხვევაში არ არის

რეჟიმის სასამართლომ ონისე ოქრიაშვილზე თავდამსხმელი გაათავისუფლა

ზელენსკიმ უკრაინაში 10 000 კმ-მდე მოქმედების რადიუსის მქონე დრონების შესახებ განაცხადა

ტიუმენის ნავთობგადამამუშავებელ ქარხანაში დრონით თავდასხმის შემდეგ ხანძარი გაჩნდა