პარლამენტის შენობასთან მიმდინარე აქციაზე, სადაც პროპორციული საარჩევნო სისტემის კანონპროექტის ჩაგდებას აპროტესტებენ, ინციდენტი მოხდა.

მოქალაქე, გიორგი ქუჩულორია „ევროპული საქართველოს“ ერთ-ერთ ლიდერთან, გიგი უგულავასთან მივიდა და „ნაციონალური მოძრაობის“ 9-წლიანი მმართველობა შეახსენა, რასაც ადგილზე ხმაური მოჰყვა.

აღნიშნული შემდეგ, ქუჩულორია სამართალდამცველებმა პარლამენტის მიმდებარე ტერიტორიიდან გაიყვანეს.

„არ ვიცი რატომ მაკავებენ, მივედი უგულავასთან, შეკითხვა დავუსვი, თუ ახსოვდა თავიანთი 9 წლიანი რეჟიმი. ვკითხე რისთვის იბრძვი-თქო, თავისუფლებისთვისო. თვითონ არის იმ 9 წლიანი რეჟიმის შემოქმედი უგულავა, როდესაც ახალგაზრდებს ქუჩებში ხოცავდნენ, ციხეებში სისხლს უმწარებდნენ, აწამებდნენ და დღეს გამოდის და იძახის, რომ მე ვიბრძვი თავისუფლებისთვისო“, - განაცხადა ქუჩულორიამ. 

ცნობისთვის, პროპორციული საარჩევნო სისტემის კანონპროექტის გამო, პარლამენტთან საპროტესტო აქცია უკვე მეორე დღეა გრძელდება. აქციის მონაწილეები პროპორციული სისტემით ვადამდელი არჩევნების ჩატარებას ითხოვენ და აცხადებენ, რომ სანამ მოთხოვნა არ შესრულდება, დაშლას არ აპირებენ.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ