„ჩემს წინააღმდეგ უსამართლო სასჯელები უკვე დაწესებულია, სერიები გაგრძელდება“, - ამის შესახებ მეუფე პეტრემ ჟურნალისტებთან საუბრისას განაცხადა.

მისი თქმით, მას პატრიარქთან მოსანანიებელი არაფერი აქვს და მზადაა ნებისმიერი გამოწვევისათვის.

„სულიერი ცხოვრების გაგრძელებას ვაპირებ სულის საცხონებლად. დაწყებული ბრძოლის გაგრძელებას ვაპირებ, ეკლესიის გაჯანსაღებისა და არსებული პრობლემების მოგვარებისთვის.  მე სიკვდილამდე მაქვს აღთქმა დადებული იესო ქრისტეს მორჩილებისა, სახარების სწავლებისა, წმინდა მამათა სწავლებისა და ვაპირებ დავემორჩილო რჯულის კანონის ფარგლებში. უსამართლობასა და უწმინდურობას არ დავემორჩილები. ჩემს წინააღმდეგ უსამართლო სასჯელები უკვე დაწესებულია, სერიები გაგრძელდება. მე მზად ვარ ნებისმიერი გამოწვევისთვის.

სინოდის გადაწყვეტილების მხილება თეოლოგების მხრიდან მოხდა და ამ გადაწვეტილებას სამგზის სირცხვილი უკვე უწოდეს. პატრიარქის წინაშე მე მიმაჩნია, რომ მე მოსანანიებელი არაფერი მაქვს. ან უნდა დავისაჯო მე ცილისწამებისათვის, ან უნდა დამტკიცდეს ჩემი ბრალდება კანონიკური სამართლის მიხედვით. მე გავაგრძელებ ბრძოლას სიწმინდისათვის, სამართლიანობისთვის და მართლმადიდებლობისათვის.

ციანიდის სკანდალის შემდეგ, ის რაც იკადრა საპატრიარქომ და ზოგადად, რასაც მე ვხედავ, ანტიქრისტიანობას და ანტიქრისტეობას სასულიერო პირებისა თუ მაღალი იერარქებისაგან, არაფერs არ გამოვრიცხავ. უბრალოდ,  ნდობასაც კი არ ვუცხადებ მათ სივრცეს“, - ამბობს მეუფე პეტრე.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ