თბილისის მერი კახა კალაძე სოფელ ოქროყანაში იმყოფებოდა, სადაც 30 ოჯახს საკუთრების დამადასტურებელ დოკუმენტი გადასცა. 

30 ოჯახი ოქროყანაში 90-იანი წლებიდან ცხოვრობდა, თუმცა მათთვის საცხოვრებელი ფართების დაკანონება ამ დრომდე ვერ მოხერხდა. ქონება მათ სიმბოლურ ფასად, ერთ ლარად გადაეცათ. 

„ძალიან მნიშვნელოვანი პროგრამა ხორციელდება. ოქროყანაში საცხოვრებელი ფართები სიმბოლურ ფასად - ერთ ლარად 30 ოჯახს დაუკანონდა. ეს ადამიანები წლების განმავლობაში ცხოვრობენ აქ, ბევრი მათგანი დევნილია, ბევრი შესახლებულია, სახლის გარეშე დარჩენილი. ისინი ათეული წლებია ცხოვრობენ და ვერ ახერხებდნენ, რომ ფართები მათ საკუთრებაში ყოფილიყო. 

ძალიან მიხარია, ამდენ ბედნიერ და გახარებულ ადამიანს ვხედავ. რა თქმა უნდა, ჩვენ არ ვჩერდებით, გავაგრძელებთ ამ პროგრამის განხორციელებას. ყველა იმ ადამიანს, რომლებსაც ანალოგიური პრობლემა აწუხებს, მიმართონ ადგილობრივ გამგეობებს, სადაც აუხსნიან, თუ რა დოკუმენტაცია უნდა წარმოადგინონ. შემდეგ ეს გადმოიგზავნება თბილისის მერიაში და ჩვენ მოვახდენთ ფართების დაკანონების პროცესს. ამდენად, ყველანაირად ხელს შევუწყობთ და დავეხმარებით“, - განაცხადა კახა კალაძემ.

კახა კალაძის მერობის პერიოდში საცხოვრებელი ფართები 650-დე ოჯახს დაუკანონდა. 

ოქროყანაში მცხოვრებლებისთვის საკუთრების დამადასტურებელი დოკუმენტების გადაცემის პროცესს ქონების მართვის სააგენტოს ხელმძღვანელი ირაკლი თავართქილაძე, მთაწმინდის რაიონის გამგებელი დავით კირკიტაძე, თბილისის საკრებულოს დეპუტატები ბექა დავითულიანი, ირაკლი ზარქუა და სხვა პირები ესწრებოდნენ.

(NS)

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ