ცვლილების თანახმად, საქართველოს მთელს ტერიტორიაზე მოქმედი სასოფლო-სამეურნეო სტატუსის მქონე კოოპერატივებისათვის, რძის გადამმუშავებელი მანქანა-დანადგარების შესასყიდად გათვალისწინებულია 90%-იანი თანადაფინანსება  (არაუმეტეს 150,000 ლარი)  იმ შემთხვევაში, თუ ამ სასოფლო-სამეურნეო კოოპერატივის ან/და მისი მეპაიე სასოფლო-სამეურნეო კოოპერატივის ან/და მეპაიე სასოფლო-სამეურნეო კოოპერატივების მეპაიეთა საკუთრებაში არსებული ფურების/ცხვრების (ნერბი)/თხების(ნეზვი) რაოდენობა ჯამურად შეადგენს, შესაბამისად, არანაკლებ 150/1000/200 სულს.

ამავე ცვლილებით, მაღალმთიან დასახლებაში რეგისტრირებულ სასოფლო-სამეურნეო კოოპერატივებს შეუძლიათ რძის გადამმუშავებელი მანქანა-დანადგარების შესასყიდად 95%-იანი თანადაფინანსება, არაუმეტეს, 150,000 ლარისა მიიღონ იმ შემთხვევაში, თუ ამ სასოფლო-სამეურნეო კოოპერატივის ან/და მისი მეპაიე სასოფლო-სამეურნეო კოოპერატივის ან/და მეპაიე სასოფლო-სამეურნეო კოოპერატივების მეპაიეთა საკუთრებაში არსებული ფურების რაოდენობა ჯამურად აღემატება 50 სულს.

პროგრამის დაწყებიდან დღემდე, რძის მწარმოებელი სასოფლო-სამეურნეო კოოპერატივების მხარდაჭერის სახელმწიფო პროგრამის ფარგლებში, საქართველოს მასშტაბით  დაფინანსდა 24 კოოპერატივი. სახელმწიფოს მხრიდან გაწეულმა თანადაფინანსებამ  შეადგინა 2,031,604 ლარი. 

გარემოს დაცვისა და სოფლის მეურნეობის სამინისტროს სოფლისა და სოფლის მეურნეობის განვითარების სააგენტო ახორციელებს სახელმწიფო პროგრამას რძის მწარმოებელი სასოფლო-სამეურნეო კოოპერატივებისათვის, რომელიც საწარმოო დანადგარების შეძენაში დახმარებას ითვალისწინებს.

(NS)

ავტორი: ექსპრესნიუსი,

სოციალური ქსელები

სახელმწიფო უნივერსიტეტებში სწავლა დაფინანსდება, III სემესტრიდან გრანტის 1/2-ია გარანტირებული

Euronews: ფიფას პრეზიდენტი ევროპარლამენტში დაიბარეს

ეუთოს მოქმედი თავმჯდომარე იგნაციო კასისი საქართველოს შემოდგომაზე ეწვევა

სალომე ზურაბიშვილი: მადლობა მათ, ვინც ციხეში ყოფნისას მაგალითი გვაძლევს