საქართველოს პრემიერ-მინისტრი ირაკლი ღარიბაშვილი პოლიტიკოსებს მოუწოდებს საოკუპაციო ზოლთან დაკავშირებულ საკითხებს მეტი პასუხისმგებლობით მიუდგნენ.

ღარიბაშვილის თქმით, ქვეყნაში სტაბილურობის შესანარჩუნებლად, ყველაფერი უნდა გააკეთონ და არც ერთ ძალას არ უნდა მისცენ საშუალება, რეგიონში პროვოკაციის გზით, სიტუაცია დაძაბონ.

"რაც შეეხება საოკუპაციო ზოლს და იქ მიმდინარე პროვოკაციულ მოქმედებებს, მინდა შეფასება გავაკეთო და პოლიტიკოსებს მოვუწოდო, რომ ცოტა მეტად პასუხისმგებელნი იყვნენ, მეტი პასუხისმგებლობით მიუდგნენ ასეთ საკითხებს. ყველაფერი უნდა გავაკეთოთ, რომ სტაბილურობა შევინარჩუნოთ ქვეყანაში. არც ერთ ძალას, არავის არ უნდა მივცეთ საშუალება, რომ რაიმე პროვოკაციული გზით მოახდინონ სიტუაციის დაძაბვა რეგიონში. ეს არის კიდევ ერთხელ შედეგი იმ გაუაზრებელი პოლიტიკის, რომელიც სააკაშვილმა წლების განმავლობაში აწარმოა. ეს არის შედეგი 2008 წლის ომისა, რომელმაც მოგვიტანა ათასობით, 25 000-მდე ახალი დევნილი, იძულებით გადაადგილებული პირი. ასზე მეტი დაკარგული სოფელი, დამატებითი ტერიტორიები დაკარგული. ეს არის ის მძიმე მემკვიდრეობა, რომელსაც ჩვენ ვიმკით, რომელსაც ჩვენ ვუმკლავდებით უკვე აგერ მესამე წელია. სწორედ ჩვენი მთავრობის, ბატონი ბიძინა ივანიშვილის დამსახურებაა, რომ სწორი, კონსტრუქციული პოლიტიკის წარმოება დავიწყეთ და მაქსიმალურად ხელი შევუწყვეთ სიტუაციის დეესკალაციას რეგიონში",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით