საქართველოს მთავრობა რიგგარეშე სხდომაზე 2020 წლის ბიუჯეტის პროექტს განხილვის დროს შინაგან საქმეთა სამინისტროში მომავალ წელს დაგეგმილი პროექტები განიხილეს.

პრემიერ-მინისტრს და მთავრობის წევრებს შინაგან საქმეთა სამინისტროს გეგმები და პროექტები მინისტრის მოადგილემ - ლევან კაკავამ წარუდგინა. მისი განცხადებით, 2020 წელს სამინისტროში სისტემური განახლების პროცესი გაგრძელდება და მომავალი წლის 1 ივლისიდან ხელფასი სამინისტროს თანამშრომლებს მინიმუმ 125 ლარით გაეზრდებათ.

„2020 წელს შინაგან საქმეთა სამინისტრო გააგრძელებს სისტემური განახლების პროცესს. ჩვენთვის პრიორიტეტად რჩება გამოძიების ხარისხის და ადამიანის უფლებების დაცვის კუთხით ღონისძიებების გაძლიერება, საპოლიციო სერვისების და ინფრასტრუქტურის განვითარება და განსაკუთრებით პოლიციელების ფინანსური და სოციალური მდგომარეობის გაუმჯობესება. ფინანსური მდგომარეობის გაუმჯობესების კუთხით, 2020 წლის პირველი ივლისიდან შინაგან საქმეთა სამინისტროში შემავალ ყველა თანამშრომელს ხელფასი გაეზრდება, არანაკლებ, 125 ლარით. სოციალური მდგომარეობის გაუმჯობესების მიზნით, გაგრძელდება შეღავათიანი ბინათმშენებლობის პროექტი. მოგეხსენებათ, რომ თბილისში, ქუთაისში, რუსთავში, ბათუმსა და ზუგდიდში მიმდინარეობს ბინათმშენებლობა სახელმწიფოს მნიშვნელოვანი თანადაფინანსებით და გაგრძელდება ეს პროექტი.

2020 წელს დაგეგმილია, ასევე ახალი საპოლიციო შენობების მშენებლობა, მეხანძრე-მაშველებისთვის სახანძრო მანქანების ახალი სადგომების (დეპ-ების) მშენებლობა. გაიხსნება თბილისში ასევე ახალი დროებითი მოთავსების იზოლატორი, რომელიც აღჭურვილი იქნება თანამედროვე სტანდარტებით. გაგრძელდება საპოლიციო ტექნიკის და ტექნოლოგიების განახლება. ასევე, სათანადო ყურადღება დაეთმობა ვიდეო-სამეთვალყურეო ტექნიკის განვითარებას. მოგეხსენებათ ამას დიდი მნიშვნელობა აქვს არა მარტო საგზაო უსაფრთხოების მიზნით, არამედ მართლწესრიგის დაცვის და უსაფრთხოების უზრუნველყოფისთვის,"- განაცხადა ლევან კაკავამ. 

(NS)

ავტორი: ექსპრესნიუსი,

სოციალური ქსელები

კოალიცია ცვლილებისთვის და სტრატეგია აღმაშენებელი იწყებენ კამპანიას - ემიგრანტის ხმა

კალაძე ადასტურებს, რომ რეჟიმი ტრადიციების დასაცავად საკანონმდებლო რეგულაციების გამკაცრებას გეგმავს

ეროვნული ბანკი აფრთხილებს, რომ ქვეყანაში ფინანსური პირამიდები გამოჩდნენ და ხალხის ფულს იზიდავენ

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია