შინაგან საქმეთა სამინისტროს აკადემიაში ახალი ფსიქოაქტიური ნივთიერებების გავრცელების აღკვეთის ხელშეწყობის სახელმწიფო კომისიის მეთოთხმეტე შეხვედრა გაიმართა.

უწყების ინფორმაციით, სახელმწიფო კომისია იკრიბება სისტემატურად და უზრუნველყოფს მუდმივი ზედამხედველობის განხორციელებას ქვეყანაში ახალ ფსიქოაქტიურ ნივთიერებებთან დაკავშირებით არსებულ სიტუაციაზე.

სახელმწიფო კომისია აერთიანებს რელევანტურ უწყებებს, მის შემადგენლობაში შედიან საქართველოს შინაგან საქმეთა სამინისტროს, შრომის, ჯანმრთელობისა და სოციალური დაცვის სამინისტროსა და ფინანსთა სამინისტროს წარმომადგენლები. შეხვედრების მიზანს წარმოადგენს საქართველოში ახალი ფსიქოაქტიური ნივთიერებების შესახებ ახალი კანონმდებლობის იმპლემენტაციის, ახალ ფსიქოაქტიურ ნივთიერებებთან დაკავშირებული ტენდენციებისა და მთავრობისთვის წარსადგენი წინადადებების შესახებ დისკუსიის გამართვა და შესაბამის გამოწვევებზე რეაგირება უწყებათშორისი, კოორდინირებული ძალისხმევით.

კომისიის რიგით მეთოთხმეტე შეხვედრაზე კომისიის წევრებმა დადებითად შეაფასეს დროული საკანონმდებლო ცვლილებები, კანონმდებლობის ეფექტიანი აღსრულება, პრევენციული ღონისძიებების მნიშვნელობა, სიტუაციის მუდმივი მონიტორინგი და უწყებათა კოორდინირებული თანამშრომლობა, რაც ერთიანობაში ხელს უწყობს ქვეყანაში დაბალანსებული ნარკოპოლიტიკის განხორციელებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა