„პოლიციის შესახებ“ კანონპროექტი, რომლის თანახმადაც სამსახურებრივი მოვალეობის შესრულების დროს დაღუპული პოლიციელების ოჯახები 100 000 ლარიან კომპენსაციას მიიღებენ, დღეიდან ძალაში შევიდა.

კერძოდ, კანონის თანახმად, სამსახურებრივი მოვალეობის შესრულების დროს, კონკრეტულად, პრევენციული ღონისძიების განხორციელებისას, სამართალდარღვევის აღკვეთისას, დამნაშავის შეპყობისას, დამნაშავეობასთან ბრძოლისას, საზოგადოებრივი წესრიგის დაცვისას ან/და საბრძოლო მოქმედებების დროს შეტაკებისას, სამსახურებრივ საქმიანობასთან დაკავშირებით თავდასხმისას, ადამიანის სიცოცხლის, ჯანმრთელობის ან/და ქონების გადარჩენისას პოლიციელის დაღუპვის ან მიღებული ჭრილობსი შედეგად გარდაცვალების შემთხვევაში, მის ოჯახს(მემკვიდრეს) ერთჯერადი ფულადი დახმარება 100 000 ლარი გადაეცემა. ასევე, სახელმწიფოს მხრიდან ანაზღაურდება დაკრძალვის ხარჯები 500 ლარის ოდენობით.

ასევე ძალაში შევიდა „სახელმწიფო კომპენსაციისა და სახელმწიფო აკადემიური სტიპენდიის შესახებ“ კანონის პროექტი, რომლის თანახმადაც საქართველოს დამოუკიდებლობის გამოცხადებიდან (1991 წლიდან) სამსახურეობრივი მოვალეობათა შესრულების დროს გმირულად დაღუპულ ან მიღებული ჭრილობების შედეგად გარდაცვლილი საქართველოს შინაგან საქმეთა სამინისტროს მოსამსახურეთა ოჯახებს ყოველთვიურად  1 000 ლარიანი სახელმწიფო კომპენსაცია დაუწესდება.  იმ შემთხვევაში თუ, 1 ოჯახიდან ორი ან მეტი  პოლიციელი დაიღუპება, ოჯახის წევრები კომპენსაციას თითოეულ გარდაცვლილზე ცალ–ცალკე მიიღებენ.

ამავე ოჯახის წევრებს, ამ კომპენსაციის პარალელურად შეუძლიათ მიიღონ ასევე სოციალური პენსია.

ამასთან, სამსახურეობრივი მოვალეობის შესრულებისას გმირულად დაღუპული პოლიციელის ოჯახებს სახელწმიფო ბიუჯეტიდან გამოყოფილი ასიგნებებიდან ერთჯერადი დახმარება 100 000 ლარის ოდენობით გადაეცემათ. 

გარდა ამისა,  2015 წლის 1 მაისამდე ზედმეტად ( არასწორად) დარიცხული თანხების ვალდებულებისგან 45 პირი გათვისუფლდება და ლეალიზაციას დაახლოებით 432 450 ლარი დაექვემდებარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა