თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღებაში ბრალდებულები ა.მ. და ო.ს. დამნაშავედ ცნო.

სასამართლო პროცესზე გამოკვლეული მტკიცებულებებით დადასტურდა, რომ ა.მ.-მ და ო.ს.-მ წინასწარი შეთანხმებით ჯგუფურად, უკანონოდ შეიძინეს და შეინახეს 116,8918 გრ. ნარკოტიკული საშუალება ,,ჰეროინი", რომელიც 2018 წლის 16 ნოემბერს ასევე ჯგუფურად ქ.გარდაბანში,  უკანონოდ გაასაღეს მოქალაქეზე.

სამართალდამცველებმა ა.მ. და ო.ს. შემთხვევის ადგილზე  დააკავეს.  მათ ბრალდება სისხლის სამართლის კოდექსის 260 მე-3 ნაწილის „ა" და „ბ", მე-5 ნაწილის „ა" და „ბ" და მე-6 ნაწილის „ა" ქვეპუნქტებით წარედგინათ  (განსაკუთრებით დიდი ოდენობით ნარკოტიკული საშუალების უკანონო შეძენა, შენახვა, გასაღება, ჩადენილი წინასწარი შეთანხმებით პირთა ჯგუფის მიერ) და ორივეს აღკვეთის ღონისძიების სახით პატიმრობა შეეფარდა. 

თბილისის საქალაქო სასამართლომ ა.მ. და ო.ს. დამნაშავედ ცნო წარდგენილ ბრალდებაში  და სასჯელის სახედ და ზომად ა.მ.-ს 13 წლით, ხოლო ო.ს-ს 8 წლით თავისუფლების აღკვეთა განუსაზღვრა.

ავტორი: ექსპრესნიუსი,

სოციალური ქსელები

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა