2019-06-23 01:12:26, 1313 ნახვა

---

„ხელისუფლებას აღარ ახსოვს, რომელი ქვეყნის ინტერესებს იცავს“ - აქცია „ოცნების“ ოფისთან საქართველოს ჰიმნის ფონზე დასრულდა

აქცია "ქართული ოცნების" ოფისთან დასრულდა. 

ადგილზე შეკრებილებმა საკუთარი მოთხოვნები კიდევ ერთად გააჟღერეს. ისინი შინაგან საქმეთა მინისტრის გიორგი გახარიას გადადგომას, 2020 წელს საპარლამენტო არჩევნების პროპორციული სისტემით ჩატარებას, აქციაზე დაკავებულების გათავისუფლებას და იმ სამართალდამცველების დასჯას ითხოვენ, რომლებმაც ძალას გადაამეტეს.

მომიტინგეებმა ხელიუფლებას ხვალ, 14:00 საათამდე ვადა ისცეს, რათა მათი მოთხოვნები დაკმაყოფილდეს, თუმცა მათი განცხადებით, ხვალ 19:00 საათზე აქცია პარლამენტთან ისევ გაიმართება. აქციის მონაწილეებმა "ოცნების" ოფისთან საქართველოს ჰიმნიც შეასრულეს. 

"გავაგონოთ ხელისუფლებას საქართველოს ჰიმნი, რომელიც ალბათ დიდი ხანია არ მოუსმენიათ, რადგან არ ახსოვთ რომელი ქვეყნის ინტერესებს იცავენ", - აცხადებენ აქციის მონაწილეები. 

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი