ჩუგოშვილი აქციაზე: დიდი გამოწვევაა სახელმწიფოსთვის, იმოქმედოს ისე, რომ არ დაარღვიოს ბალანსი

2019-06-15 11:27:31, 1424 ნახვა

პოლიტიკა

პარლამენტის ვიცე-სპიკერი თამარ ჩუგოშვილი გუშინ მთავრობის ადმინისტრაციასთან გამართულ ორ აქციას ეხმაურება

ჩუგოშვილი აცხადებს, რომ ხელისუფლებას აქვს ვალდებულება დაიცვას კონსტიტუცია, ხოლო მშვიდობიანი დემონსტრაციის უფლება ამ ქვეყანაში აქვს ყველა მოქალაქეს.

"ის, რაც ხდება, არის დიდი გამოწვევა სახელმწიფოსთვის, რომ იმოქმედოს ისე, რომ არ დაარღვიოს ბალანსი. ერთი მხრივ, შსს-ს მნიშვნელოვანი ვალდებულებაა, რომ დაიცვას გამოხატვის თავისუფლბა, მაგრამ მისი ასევე მნიშვნელოვანი ვალდებულებაა უსაფრთხოების უზრუნველყოფა", - დასძინა მან.

საპატრიარქოს განცხადების თაობაზე პარლამენტის ვიცე-სპიკერი აღნიშნავს, რომ განცხადებას იცნობს.

"მათი პოზიცია ჩემთვის გასაგებია, მაგრამ სახელმწიფოს აქვს ვალდებულებები. შსს-ს პრიორიტეტი ახლა არის ის, რომ შეძლოს უფლებების რეალიზაცია უსაფრთხობის უზრუნველყოფის გზით. ამ პროცესში ასევე მნიშვნელოვანია ყველა მხარემ შეუწყოს ხელი ბალანისი დაცვას", - ამბობს ჩუგოშვილი.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,