პარლამენტის დარგობრივი ეკონომიკისა და ეკონომიკური კომიტეტის სხდომაზე, „ევროპული საქართველოს“ წევრის, გიგა ბოკერიას  შეკითხვებს, ეკონომიკის მინისტრის ნათია თურნავას მისამართით, ხმაური მოჰყვა.

გაფიცული მაღაროელებზე  საუბრისას, ბოკერიამ ეკონომიკის მინისტრს ჰკითხა, მიაჩნია თუ არა პრობლემად, რომ ჭიათურაში განვითარებულ პროცესებში კრიმინალური ავტორიტეტები ერეოდნენ? და სმენია თუ არა  „რემენასა“ და „რიჟას“ შესახებ?!

„რემენა“ გაგიგიათ, ქალბატონო ნათია?-ამაზეც არ მცემთ პასუხს? თქვენ გინდათ ქალბატონო ნათია, რომ მერე პასუხები არ გამცეთ. გაგიგიათ თუ არა „რემენა“? თუ არ გაგიგიათ მიპასუხეთ“, - მიმართა ბოკერიამ.

ეკონომიკის მინისტრმა დეპუტატის კითხვები უპასუხოდ დატოვა.

ამის შემდეგ, ბოკერიას კითხვა საპარლამენტო უმრავლესობის წევრმა გიგა ბუკიამ გააწყვეტინა და უთხრა, რომ ნათია თურნავა დაკითხვაზე არ იმყოფება.

„უშიშროების საბჭოს თავმჯდომარე კი არ ხარ, დაკითხვაზე თქვენ რომ არ ხართ მიწვეული ისაა პრობლემა“, - მიმართა ბუკიამ ბოკერიას.

რაზეც ბოკერიამ მას უპასუხა, რომ დაკითხვაზე არაერთხელ არის ნამყოფი, ისევ მივა.

„შენ რომ მოხვდები დაკითხვაზე ვნახოთ იქ როგორ გაუძლებ, ახლა შენობით მოგმართავ, რადგან ბედავ და მაწყვეტინებ, ვინ მოგცათ უფლება ვაკხანალიის მოწყობის. ბიჭოთი ელაპარაკე თანაფრაქციელებს“, -მიმართა ბოკერიამ ბუკიას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ქეთი დუმბაძე ონისე ოქრიაშვილზე ფიზიკურ თავდასხმაზე - ძალიან შევწუხდი და განვიცდი

ნოდარ დუმბაძის შვილიშვილი - ბაბუაჩემის სახელით ადამიანის ცემა ან პროვოკატორის ნახელავი უნდა იყოს, ან იდიოტის

შსს - ონისე ოქრიაშვილზე თავდამსხმელი პოლიციაში გამოცხადდა და იკითხება

Freedom House - სანაიას დაპატიმრება Facebook-ზე გამოქვეყნებული პოსტის გამო გამოხატვის თავისუფლების აშკარა დარღვევაა