ჭიათურაში გაფიცული მაღაროელების პროტესტი უკვე მე-11 დღეა გრძელდება. 

"რუსთავი 2"-ის ინფორმაციით, მაღაროელების სოლიდარობის ნიშნად ქალაქში სავაჭრო ობიექტები დაიხურა. აქციის მონაწილეებს მხარდაჭერა სკოლის მოსწვალეებმაც გამოუცხადეს. მოსახლეობა მაღაროელებს სრულ მხარდაჭერას უცხადებს და ჭიათურიდან კომპანიის გაძევებას ითხოვს.

„უსამართლობაა, ხალხი იხრჩობა მტვერში, ნაგავში, არაფერი შემოსავალი არ აქვთ. გამოვედი ჩემი შვილებიანად და ვდგავარ ქუჩაში. გაიფიცა ყველაფერი, იმედია დაგვეხმარებიან,“-ამბობს აქციის მონაწილე.

მანამდე, 25 მაისს მაღაროელების აქციას სოლიდარობის ნიშნად,  ზესტაფონის „ფეროს“ და ტყიბულის შახტის მაღაროელებიც შეუერთდნენ.

როგორც მაღაროელები აცხადებენ, პროტესტი იქამდე გაგრძელდება, სანამ ყველა მაღაროელის მოთხოვნა არ დაკმაყოფილდება. 

ისინი ხელფასების 50%-ით ზრდას, სამუშაო პირობებისა და ჯანდაცვის მომსახურების გაუმჯობესებას, ქალაქში ეკოლოგიური ვითარების გამოსწორებას მოითხოვენ. გარდა ამისა, გაფიცულები სამუშაოზე დაბრუნების შემთხვევაში გაცდენილი დღეების ანაზღაურებას და სამსახურიდან სხვადასხვა მიზეზით გათავისუფლებული თანამშრომლების აღდგენას ითხოვენ.

ცნობისთვის, დღეს კომპანია "ჯორჯიან მანგანეზმა" გაფიცულ მაღაროელებთან დაკავშირებით განცხადება გაავრცელბა, რომლის თანახმადაც კომპანიის წარმომადგენლები გაფიცულ თანამშრომლებს შეხვდნენ, მათ გარკვეული პირობები შესთავაზეს, თუმცა მაღაროელებმა შეთანხმებაზე უარი თქვეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება