ბათუმი ძალოსანთა 50-ე საიუბილეო ევროპის ჩემპიონატს მასპინძლობს.  საზეიმო გახსნის ცერემონიას დღეს საქართველოს პრეზიდენტი სალომე ზურაბიშვილი, აჭარის მთავრობის თავმჯდომარე თორნიკე რიჟვაძე და სხვა ოფიციალური პირები ესწრებოდნენ.

აჭარის მთავრობის თავმჯდომარემ სიტყვით გამოსვ რომ ბათუმისთვის, როგორც ევროპის სპორტული ქალაქისთვის, ევროპის ჩემპიონატის მასპინძლობა სიმბოლურია და ზრდის რეგიონის და ქვეყნის ცნობადობას საერთაშორისო ასპარეზზე - ,,ესაა მკაფიო დასტური იმისა, რომ საქართველო არის სპორტული ღონისძიებების ჩატარებისთვის მიმზიდველი, უსაფრთხო ქვეყანა, რომელსაც შეუძლია, ასეთი კლასის სპორტულ მოვლენებს შესაბამისი მაღალი სტანდარტით შეხვდეს„ .

ჩემპიონატში მონაწილეობას 42 ქვეყნის 400-მდე ძალოსანი მიიღებს, სულ გათამაშდება  180 სინჯის მედალი. გარდა ევროპის ჩემპიონის ტიტულისა,  ძალოსნები ტოკიოს 2020 წლის ოლიმპიური თამაშების სალიცენზიო ქულებისთვისაც იბრძოლებენ, რაც  ჩემპიონატს ორმაგ მნიშვნელობას ანიჭებს.

აღსანიშნავია, რომ პირველობაზე ქართველი და უცხოელი 100-მდე ჟურნალისტია  აკრედიტირებული და ჩემპიონატის პირდაპირი ტელეტრანსლაციას Eurosport-ი 40 საათის განმავლობაში 60-მდე ქვეყანაში განახორციელებს.

ჩემპიონატი ბათუმში 13 აპრილამდე გაგრძელდება. ის ახალ აშენებულ სპორტის სასახლეში გაიმართება. ჩემპიონატის ფარგლებში ქალაქი 1000-მდე სტუმარს ელოდება.   

(NS)

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი