პარლამენტსა და საკრებულოებში ქალისა და მამაკაცის ჩართულობა შესაძლოა, დაბალანსდეს. 

დეპუტატმა ნანა ყეინიშვილმა პარლამენტში „მოქალაქეთა პოლიტიკური გაერთიანების შესახებ“ კანონპროექტი წარადგინა. 

პროექტის თანახმად, ფინანსურად წახალისდება ის პარტია/საარჩევნო ბლოკი რომელსაც თავის პარტიულ სიებში ეყოლება ყოველი მეორე კანდიდატი ერთიმეორისგან განსხვავებული სქესის და მიიღებს დაფინანსებას სახელმწიფო ბიუჯეტიდან. კერძოდ, პარტია/საარჩევნო ბლოკი, მიიღებს საბაზო დაფინანსებაზე დანამატს საბაზო დაფინანსების 50%-ის ოდენობით. 

როგორც განმატებით ბარათშია ნათქვამი, კანონპროექტის მომზადება და მიღება დაკავშირებულია პარლამენტსა და საკრებულოებში გენდერული თანასწორობის დაცვის ხელშეწყობასა და პოლიტიკურ პროცესებში ქალთა ჩართულობის გაძლიერებასთან. 

„საქართველოში უკანასკნელ წლებში ჩატარებული არჩევნების შედეგები მოწმობს, რომ წარმომადგენლობით ორგანოებში ქალთა რაოდენობა მინიმალურია და ვერ ასახავს გენდერული თანასწორობის უზრუნველყოფის თვალსაზრისით არსებულ მოთხოვნებს. კანონპროექტის მიზანია, წარმოდგენილი საკანონმდებლო ცვლილებით თავის მხრივ ხელი შეუწყოს საქართველოს პარლამენტში გენდერული თანასწორობის თვალსაზრისით არსებული დისბალანსის დაძლევას და შესაბამისად, ქვეყნის პოლიტიკურ ცხოვრებაში ქალთა მონაწილეობის გაზრდას“, - ნათქვამია განმარტებით ბარათში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს