საქართველოს თავდაცვის მინისტრის პირველი მოადგილის დავით ებრალიძის განცხადებით, ჯერჯერობით გადაწყვეტილი არ არის PUMA-ს ტიპის ფრანგული ვერტმფრენები რომელ უწყებას გადაეცემა.

თუმცა, როგორც ებრალიძემ აღნიშნა, შესაძლოა, უფრო სწორი იყოს, თუკი ვერტმფრენები თავდაცვის სამინისტროს ნაცვლად, შინაგან საქმეთა სამინისტროს გადაეცემა.

„ეს არ არის გადაწყვეტილი,თავდაცვის სამინისტროს გადმოეცემა თუ სხვას გადაეცემა.შეიძლება უფრო სწორი იყოს, შსს-ს გადაეცეს, ვიდრე თავდაცვის სამინისტროს.მთავრობა გადაწყვიტავს ამას“,-აღნიშნა დავით ებრალიძემ.

ცნობისთვის, შინაგან საქმეთა მინისტრმა ვახტანგ გომელაურმა დღეს განაცხადა, რომ PUMA-ს ტიპის ფრანგული ვერტმფრენები მის უწყებას გადაეცემა. გომელაურის თქმით, ამ საკითხზე გადაწყვეტილება უკვე მიღებულია და ახლა შსს-სა და ეკონომიკის სამინისტროს შორის ვერტმფრენების გადასაცემად შესაბამისი სამუშაოები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია