ხურვალეთში, ქართული მხარის მიერ კონტროლირებად ტერიტორიაზე რუსი სამხედროები გამოჩნდნენ

2019-03-15 15:07:32, 1835 ნახვა

რეგიონი

სოფელ ხურვალეთში, საქართველოს ცენტალური ხელისუფლების კონტროლირებად ტერიტორიაზე რუსი სამხედროები გამოჩნდნენ.

არსებული ინფორმაციით, მათ ადგილზე ახალი მავთხულხლართები გაავლეს და ოკუპანტების მიერ აშენებულ სათვალთვალო კოშკურამდე მისასვლელი გზა დაიკავეს.

ამასთან, მოძრაობის "რუსეთი ოკუპანტია" ცნობით, შეიარაღებული პირები მოსახლეობის კუთვნილ ეზოებსა და ბაღებში არიან განთავსებული.

"ბლოკპოსტზე გვეუბნებიან, რომ ინფორმაცია ტყუილია, თუმცა ფაქტია, რომ სოფელ ხურვალეთში არ გვიშვებენ. ჩვენი წყაროა ხურვალეთის ხანდაზმულთა სახლის დირექტორი, ქალბატონი ლუდა სალია, რომელიც გვაწვდის ინფორმაციას რომ ოკუპანტები მოსახლეობის კუთვნილ ეზოებსა და ბაღებში განთავსდნენ",- აცხადებენ მოძრაობის წევრები.

შეიარაღებული პირების ამსახველი ფოტოები სოციალურ ქსელში გავრცელდა. აღნიშნულთან დაკავშირებით სახელმწიფო უსაფრთხოების სამსახური განცხადებას გაავრცელებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები