2015-06-20 09:41:05, 527 ნახვა
საზოგადოება
პრემიერი: გამოვარჩიოთ ჟურნალისტები, რომლებიც 13 ივნისის ღამეს მუშაობდნენ და დავაჯილდოვოთ
„გამოვარჩიოთ ის ჟურნალისტები, რომლებიც 13 ივნისის ღამეს მუშაობდნენ ცხელ წერტილებში და დავაჯილდოვოთ“,-ამის შესახებ პრემიერ-მინისტრმა ირაკლი ღარიბაშვილმა საგანგებო შტაბის სხდომაზე განაცხადა.
როგორც პრემიერმა აღნიშნა, რომ არა ცხელ წერტილებში მომუშავე ჟურნალისტები მომავალ თაობას ბევრი ფაქტი გამორჩებოდა.
„მინდა ყველას საჯაროდ გთხოვოთ, რომ გამოვარჩიოთ ის ჟურნალისტები, რომლებიც 13 ივნისის ღამეს ყველაზე ცხელ წერტილებში მუშაობდნენ. მე მაქვს იდეა და ინიციატივა, რომ ეს ჟურნალისტები დავაჯილდოვოთ. განსაკუთრებულად ავღნიშნოთ მათი ჩართულობა და წვლილი. რა თქმა უნდა, რომ არა ეს ჟურნალისტები ძალიან ბევრი ფაქტი დარჩებოდა გაუშუქებელი, მომავალი თაობა კი ვერ გაიგებდა იმ გმირების ნამოქმედარ საქმეებს“,-განაცხადა ირაკლი ღარიბაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
