თუ საჭიროა „თიბისი ბანკის“ საქმეზე საგამოძიებო კომისიის შექმნა, ვიფიქრებთ ასეთი კომისიის მხარდაჭერის თაობაზე, - ამის შესახებ პარლამენტის წევრმა, ეკა ბესელიამ ჟურნალისტებს განუცხადა.

როგორც დეპუტატმა აღნიშნა,  ხაზარაძის ბრალდებები რეაგირების გარეშე არ უნდა დარჩეს.

„საჭიროა, დაიწყოს ამ ფაქტის გამოძიება. თუ დაწყებულია პროკურატურაში გამოძიება, პროკურატურამ უნდა გვითხრას ამ ინფორმაციასთან დაკავშირებით, დაინტერესდა თუ არა, თუ არ დაინტერესდა, დაინტერესდეს და ბატონ ხაზარაძესაც მინდა, მივმართო, რომ მან უნდა წარადგინოს ეს დოკუმენტი, თუ ამისთვის საჭიროა, რომ საგამოძიებო კომისია შეიქმნას და საგამოძიებო ორგანოები ვერ უზრუნველყოფენ ობიექტურ და მიუკერძოებელ გამოძიებას, ჩვენ ვიფიქრებთ ასეთი კომისიის მხარდაჭერის თაობაზე“, - აღნიშნა ეკა ბესელიამ.

ამასთან, ჟურნალისტის შეკითხვაზე, აქვს თუ არა მოლოდინი მამუკა ხაზარაძე დააკავონ, ბესელიამ უპასუხა, რომ წინასწარ პროგნოზებს ვერ გააკეთებს.

მისივე განმარტებით, „თიბისი ბანკის“ ირგვლივ იკვეთება სერიოზული კითხვის ნიშნები, რომელიც რეაგირების გარეშე არ უნდა დარჩეს.

„ასეთ პროგნოზებს ვერ გავაკეთებ, მიმაჩნია, რომ არის უსერიოზულესი კითხვები, გუშინდელმა განხილვამ აჩვენა, რომ არის სერიოზული კითხვები. ამ კითხვებს უნდა ძალიან სერიოზული პასუხი, ასე მიჩუმათება და გაუბრალოება, რომ მერე რა მოხდა, რომ ამდენი წელი გავიდა, არ არის ასე პასუხი საკმარისი. როცა რაღაც მოვლენებს ემთხვევა ასეთი ეპიზოდების გააქტიურება, ეს აჩენს უსამართლობის განცდას“, - აღნიშნა ბესელიამ.

ავტორი: ,

სოციალური ქსელები

კალაძე დატბორილ ქუჩებზე: მსგავს შემთხვევებს ვხედავთ ევროპის არაერთ დიდ ქალაქში

კალაძის თქმით, რუსთაველის რეაბილიტაცია 23 ივლისის 00:00 საათზე დაიწყება და ნოემბერში დასრულდება

პოლიციამ თბილისში 331 შეკვრა ნარკოტიკული საშუალება ამოიღო - დაკავებულია 2 პირი

ადმინისტრაცია: ირაკლი კობახიძე ვიზიტით სინგაპურში გაემგზავრა