საქართველოს  ბულგარეთის რესპუბლიკის პრეზიდენტი  როსენ პლევნელიევი  ეწვია.

აჭარის მთავრობის ადმინისტრაციის პრესსამსახურის ინფორმაციით,  ბათუმის აეროპორტში პრეზიდენტს  აჭარის მთავრობის თავმჯდომარე არჩილ ხაბაძე და  აჭარის ა.რ. მინისტრთა კაბინეტის წევრები დახვდნენ.

 დახვედრის ცერემონიის შემდეგ   სასტუმრო „ჰილტონში“    მე-12 საერთაშორისო კონფერენცია  “საქართველოს ევროპული გზა” გაიმართა.

„მიუხედავად იმისა რომ თბილისში მძიმე მდგომარეობაა და მიმდინარეობს აღდგენითი სამუშაოები, ჩვენ მოვახერხეთ ამ დიდი ღონისძიების ორგანიზებაბათუმში. ვფიქრობ ნაყოფიერად ჩაივლის და იქნება საინტერესო კონფერენცია.

გვაქვს პატივი ვუმასპინძლოთ ბულგარეთის პრეზიდენტს, რომელიც  მეორედ იმყოფება  ბათუმში. მნიშვნელოვანია მისი ვიზიტი რეგიონებს შორისურთიერთობისთვის. პრეზიდენტი დაინტერესებულია  აღდგეს საბორნე მიმოსვლა ბულგარეთის ქალაქებსა და ბათუმს შორის. სამომავლოდ ეს საკითხისაქართველოს მთავრობის დონეზე განიხილება, რადგან დიდი პერსპექტივა აქვს. ვისაუბრეთ ტურისტულ გამოცდილებაზე და ამ მიმართულებითთანამშრომლობის ჩამოყალიბებაზე. ბატონი პრეზიდენტი   ძალიან უშუალო, კომუნიკაბელური ადამიანია და დიდ პატივს სცემს საქართველოს“- განუცხადა ჟურნალისტებს არჩილ ხაბაძემ პრეზიდენტთან შეხვედრის შემდეგ.

 ოფიციალური შეხვედრების შემდეგ ბულგარეთის პრეზიდენტი როსენ პლევნელიევი აჭარის მთავრობის თავმჯდომარესთან არჩილხაბაძესთან ერთად ბათუმის ძველ ბულვარში გაისეირნებს და ძველი ქალაქის ისტორიას, აჭარის კულტურასა და ტურისტულ-ეკონომიკურ პოტენციალსგაეცნობა.   რის შემდეგაც   13:30 საათზე დაესწრება ბათუმში ლიტვის საპატიო საკონსულოს გახსნის ცერემონიალს.

ბულგარეთის პრეზიდენტი საქართველოდან  დღესვე   ბათუმის აეროპორტიდან გაემგზავრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს