კონგრესმენი: „რესპუბლიკელები“ და „დემოკრატები“ საქართველოს მხარდაჭერის კუთხით გაყოფილი არ ვართ

2019-01-31 10:45:34, 1245 ნახვა

პოლიტიკა

წარმომადგენელთა პალატაში საქართველოს მეგობართა ჯგუფის თანათავმჯდომარე ადამ კინზინგერი აცხადებს, რომ ამერიკის შეერთებული შტატები საქართველოს გვერდით დგას.

განცხადება კონგრესმენმა ქართველ დეპუტატებთან შეხვედრისას, "ამერიკის ხმის" რედაქციაში გააკეთა.

როგორც კინზინგერმა აღნიშნა, თბილისს ვაშინგტონში ორპარტიული მხარდაჭერა აქვს.

„ჩვენ თქვენთან ვართ. შეიძლება როდესაც ახალ ამბებს უყურებთ, პოლიტიკური კუთხით შეერთებულ შტატებში ბევრ დაპირისპირებას ხედავთ. თუმცა ჩვენ, "რესპუბლიკელები" და "დემოკრატები", არ ვართ გაყოფილნი საქართველოს მხარდაჭერის კუთხით, მსოფლიოში რუსეთის როლის აღქმის თვალსაზრისით, რაც დადებითი როლი ნამდვილად არ არის. საქართველოს აქ ჰყავს მეგობრები "დემოკრატებსა" და "რესპუბლიკელებს" შორის და ეს მნიშვნელოვანია“, - განაცხადა კონგრესმენმა კინზინგერმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები