დიდ დიღომში, ავთანდილის ქუჩაზე, სადაც ძლიერი აფეთქება მოხდა, თბილისის მერი კახა კალაძე მივიდა.

დედაქალაქის მერი ადგილზე არსებულ ვითარებას მის მოადგილესთან, ილია ელოშვილთან ერთად  ეცნობა.

ადგილზე ასევე იმყოფება საპატრულო პოლიციის დეპარტამენტის უფროსი თეიმურაზ კუპატაძე, რომელმაც ცოტა ხნის წინ ჟურნალისტებს განუცხადა, რომ ამ დროისთვის არსებული ინფორმაციით, აფეთქებას სამი ადამიანის სიცოხლე ემსხვერპლა.

მანვე აღნიშნა, რომ კორპუსიდან მოსახლეობის ევაკუაცია დასრულებულია და ჩამონგრეულ კორპუსში, სამაშველო სამსახურები მუშაობენ.

შეგახსენებთ, დიდ დიღომში აფეთქება დაახლოებით 1 საათის წინ მოხდა. მომხდარის შედეგად რამდენიმე ადამიანი დაშავდა. ამასთან, აფეთქების სიმძლავრემ ახლოს მდებარე კორპუსების მინები ჩაამსხვრია. წინასწარი ინფორმაციით, აფეთქება გაზის გაჟონვამ გამოიწვია.

ტერიტორიაზე სახანძრო სამაშველო და სასწრაფო დახმარების ეკიპაჟები მუშაობენ. მობილიზებულია საპატრულო პოლიცია.

ავტორი: ,

სოციალური ქსელები

„ამ კონფლიქტის ბუნება გაურკვეველია.“ ​​ტოკაევმა პუტინს მოუწოდა, შეეწყვიტა ომი უკრაინაში

ზუგდიდში სამხედრო მოსამსახურეს ეძებენ

სალომე ზურაბიშვილი- რეჟიმი ქვეყანას ვერ მართავს, მგონი რუსეთში გაიქცნენ

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს