„მიხეილ კალანდიას ნაწილში ვაგრძელებთ მუშაობას და დღეის მდგომარეობით, სამწუხაროდ, ჩვენ არ გვაქვს საკმარისი საფუძველი იმისთვის, რომ აქ კონკრეტული ნაბიჯები გადავდგათ“, - ამის შესახებ შინაგან საქმეთა მინისტრმა, გიორგი გახარიამ გააცხადა, პარლამენტში, სადაც დეპუტატების შეკითხვებს პასუხობს.

მისი თქმით, შსს მკაფიო პოზიციაა, ხორავას ქუჩაზე მომხდარი მკვლელობის საქმეში, რომ სამოხელეო ნაწილში გამოძიება უნდა დაიწყოს.

„რეალურად ის რეკომენდაციები, რომელიც იყო საგამოძიებო კომისიის მუშაობის შედეგად, ჩვენთვის გამოცემული, რა თქმა უნდა, ჩვენ დეტალურად შევისწავლეთ ეს ყველაფერი და აქ გვაქვს ორი ყველაზე მნიშვნელოვანი კომპონენტი, ერთი ეს არის სამოხელეო ნაწილი და მე გითხარით, რომ შინაგან საქმეთა სამინისტროს აქვს აბსოლუტურად მკაფიო პოზიცია, ჩვენ ვთვლით, რომ სამოხელეო ნაწილში გამოძიება უნდა დაიწყოს და ჩვენ ვიქნებით პირველები, ვინც მივლენ და ამ გამოძიებას ჩვენებას მისცემენ. რაც შეეხება, მიხეილ კალანდიას ნაწილს, ჩვენ ამ მიმართულებით ვაგრძელებთ მუშაობას და დღეის მდგომარეობით, სამწუხაროდ, ჩვენ არ გვაქვს საკმარისი საფუძველი იმისთვის, რომ აქ კონკრეტული ნაბიჯები გადავდგათ, თუმცა კიდევ ერთხელ, ვიმეორებ ჩვენ აქ ვმუშაობთ ძალიან აქტიურად“, - განაცხადა გიორგი გახარიამ.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა