სერვისების განვითარების სააგენტოს წალენჯიხის სამსახურის უფროსი, არკადი ფიფია მთავარ პროკურატურაში გამოკითხვაზე მივიდა.

პროკურატურაში შესვლამდე ფიფიას არასამთავრობო ორგანიზაციების მიერ ყალბი პირადობების შესაძლო ბეჭდვაზე გავრცელებულ ინფორმაციაზე, ჟურნალისტებთან  ვრცელი კომენტარი არ გაუკეთებია.

„მივლინებაში ვარ ოფიციალურად. ვადასტურებ ამას. სხვა დანარჩენ კითხვაზე მიმართეთ პრესამსახურს“, - განაცხადა არკადი ფიფიამ.

სამოქალაქო სექტორის ინფორმაციით, „ფიფია წალენჯიხიდან გლდანში საგანგებოდ მიავლინეს, რადგან მისი არყოფნის დროს ყალბი პირადობის მოწმობები დაებეჭდათ“.

შეგახსენებთ, რომ საქმე ეხება სამი არასამთავრობო ორგანიზაციების „საქართველოს ახალგაზრდა იურისტთა ასოციაციის“, „საერთაშორისო გამჭირვალობა - საქართველოს“ და „სამართლიანი არჩევნების“ 20 ნოემბერს გაკეთებულ განცხადებას, სადაც მათ არჩევნების შესაძლო გაყალბების სქემასა და ყალბი დოკუმენტაციის შესაძლო დამზადებასთან დაკავშირებით განაცხადეს. პროკურატურამ სავარაუდოდ ყალბი პირადობების ბეჭდვის საქმეზე გამოძიება 362-ე მუხლის პირველი ნაწილით დაიწყო, რაც ყალბი ოფიციალური დოკუმენტის დამზადებას გულისხმობს. გუშინ საგამოძიებო უწყებაში გამოიკითხნენ არასამთავრობო ორგანიზაციების წარმომადგენლები და  სახელმწიფო სერვისების განვითარების სააგენტოს ხელმძღვანელი სოსო გიორგაძე.

ავტორი: ,

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა