ხორავას ქუჩის საქმის ერთ-ერთ მოქწმეზე, მიხეილ კალანდიაზე ზეწოლაში ბრალდებულ მერაბ მორჩაძეს წარდგენილი ბრალი შეეცვალა.

მერაბ მორჩაძის სასამართლო დღეს თბილისის საქალაქო სასამართლოში გაიმართა. პროცესზე სახელმწიფო ბრალდების შუამდგომლობა განიხილეს, რომელიც წარდგენილი ბრალის შეცვლას შეეხებოდა. მოსამართლემ პროკურატურის შუამდგომლობა დააკმაყოფილა.

ბრალდებულს პირველი ფორმულირებით ბრალი მოწმის მიმართ განხორციელებულ ზემოქმედებაში ედებოდა, რაც მოწმის მოსყიდვას გულისხმობს. თუმცა, დღევანდელ პროცესზე ბრალდება შეიცვალა. კერძოდ, მორჩაძეს მოწმის მიმართ განხორციელებულ ზემოქმედებას ედავებიან, რათა ამ მოწმეს გამოძიების ეტაპზე მიწოდებული ინფორმაცია სასამართლო პროცესზე შეეცვალა. 

"ყველა გამოკვლეული მტკიცებულებით და მათ შორის ბრალდებულის აღიარებითი ჩვენებით, ჩვვენ მიგვაჩნია, რომ დასტურდება ბრალდებულის მხრიდან კონკრეტულ მოწმეზე ზემოქმედება, რათა ამ მოწმეს სისხლის სამართლის საქმეზე სასამართლოში გამოძიებისადმი მიწოდებული ინფორმაცია შეეცვალა. ამ ნაწილში მოხდა ბრალდების გადაკვალიფიცირება. ხოლო რაც შეეხება უშუალოდ მოწმის მოსყიდვის ფაქტს, სასამართლო პროცესზე გამოკვლეული მტკიცებულებებით დადასტურდა, რომ ნამდვილად ჰქონდა ბრალდებულის მხრიდან მოწმისადმი და მისი ოჯახისადმი გარკვეული თანხის გადაცემას, თუმცა ამავე მტკიცებულებებით დადასტურდა, რომ თანხის გადაცემის მიზანი არ ყოფილა მოწმის მოსყიდვა", - განაცხადა პროკურორმა ბესიკ ქვარცხავამ. 

ავტორი: ,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ