წყნეთისხევის ქუჩაზე წვიმისგან დაზარალებულ ოჯახებს თბილისის მერია დაეხმარება.

ამის შესახებ „ექსპრესნიუსს“ მერიიდან აცნობეს.

წყნეთისხევის ქუჩაზე წუხელ მოსული უხვი ნალექის გამო 5 ოჯახი დაზარალდა. დაიტბორა ეზოები და სახლების პირველი სართულები.

„ყველაზე მძიმე მდგომარეობა ამ უბანში შეიქმნა, ვინაიდან მდინარე ვერესთან მოსახლეობა ძალიან ახლოს ცხოვრობს და ადიდებულმა მდინარემ მათი სახლები დატბორა. ჩვენ ხუთივე ოჯახს დახმარებას დღესვე აღმოვუჩენთ. გამგეობა შესაბამისი სამშენებლო მასალებითაც დაეხმარება, რათა დროულად აღდგეს დაზიანებული სახლები“, - განაცხადა თბილისის მერმა დავით ნარმანიამ.

თბილისის მერიისა და ვაკის რაიონის გამგეობის გადაწყვეტილებით, დაზარალებულ ხუთივე ოჯახს გამგეობა დღესვე უზრუნველყოფს დროებითი საცხოვრებლით. მათ მერიის სარეზერვო ფონდიდან, ასევე, ერთჯერადი ფულადი დახმარება გაეწევათ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს