ექსპერტ გია ხუხაშვილის შეფასებით,  სალომე ზურაბიშვილი დამოუკიდებელი კანდიდატი არაა, იგი „ქართული ოცნების“ აგრესიული აქტივისტია  - ამის შესახებ ხუახაშვილმა „ექსპრესნიუსს“ განუცხადა.

ექსპერტის შეფასებით,  ზურაბიშვილის დამოუკიდებლობა მხოლოდ ფორმალურია და იგი „ქართული ოცნების“ კანდიდატად იქნება ასოცირებული.

„პრეზიდენტის ინსტიტუტი არ აღიქმება ძალაუფლების ცენტრად, ზურაბიშვილის გაპრეზიდენტებამ შეიძლება რაღაც პრობლემები შექმნას, თუმცა ეს ძალაუფლების თვალსაზრისით, არ იქნება კრიტიკული.

რბილად რომ ვთქვა, სალომე ზურაბიშვილი ცოტა თავნება ადამიანია და გარკვეული პრობლემები იქნება, მაგრამ ეს ყველაფერი უფრო ტრაგიკომედიას დაემსგავსება, ვიდრე რაღაც სახელმწიფოებრივ კრიზისს. ასე რომ , ამას მე ტრაგიკულად არ შევხედავდი.

თქვენ გჯერათ, რომ სალომე ზურაბიშვილი დამოუკიდებელი კანდიდატია? ის წლების მანძილზე იყო ‘’ქართული ოცნების“ ძალიან აგრესიული აქტივისტი, ამიტომ მისი დამოუკიდებლობა მხოლოდ ფორმალურად შეიძლება გავიგოთ. - განაცხადა გია ხუხაშვილმა.

შეგახსენებთ, რომ არსებული  ინფორმაციით,  სალომე  ზურაბიშვილის  დამოუკდებელ კანდიდატად  წარდგენა  განიხილება.

ავტორი: ,

სოციალური ქსელები

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს

შსს: ნარკოდანაშაულისთვის 121 ადამიანი დავაკავეთ, საქართველოს და უცხო ქვეყნის მოქალაქეები

სახელმწიფოს ქონების ქურდობისთვის დაკავებული ლევან გამრეკელი გირაოს სანაცვლოდ გაათავისუფლეს