2015-06-01 12:33:45, 405 ნახვა
პოლიტიკა
სოზარ სუბარი: სააკაშვილმა გამოაცხადა, რომ მისი ადგილი მატროსოვზეა
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, მიხეილ სააკაშვილისთვის საქართველოს მოქალაქეობა მისი სასჯელაღსრულების დაწესებულებაში ყოფნას ნიშნავს.
„სააკაშვილის მოქალაქეობის საკითხი კანონის შესაბამისად გადაწყდება. მასთან მიმართებაში იმას ვფიქრობ, რასაც სააკაშვილი თავის თავზე. მან დღეს გამოაცხადა, რომ „საქართველოში ჩემი ადგილი მხოლოდ მატროსოვზეა 6 კვადრატულ მეტრში“. მან თავისი ადგილის ზუსტი შეფასება გააკეთა“, - აღნიშნა სოზარ სუბარმა.
შეგახსენებთ, საქართველოს ყოფილმა პრეზიდენტმა მიხეილ სააკაშვილმა უკრაინის მოქალაქეობა მიიღო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
