მთავრობის ადმინისტრაციაში დღეს პრემიერ-მინისტრ ირაკლი ღარიბაშვილის ხელმძღვანელობით, სამუშაო შეხვედრა გაიმართა, რომლის მთავარი თემა ევროკავშირთან ვიზის ლიბერალიზაციის სამოქმედო გეგმით გათვალისწინებული რეფორმების გეგმა იყო. როგორც "ექსპრესნიუსს" საქართველოს მთავრობის ადმინისტრაციის პრესსამსახურიდან აცნობეს, მხარეებმა ევროკომისიის ბოლო ანგარიშით განსაზღვრული რეკომენდაციები და მათი შესრულების უზრუნველსაყოფად გაწერილი გრაფიკი განიხილეს. პრესსამსახურის ინფორმაციით, მთავრობა აქტიურად იმუშავებს, რათა ვიზის ლიბერალიზაციის სამოქმედო გეგმის ფინალური ეტაპით გათვალისწინებული პროცედურები გეგმის შესაბამისად, განსაზღვრულ ვადებში დასრულდეს. შეხვედრაზე კიდევ ერთხელ წარმატებულად შეფასდა რიგის „აღმოსავლეთ პარტნიორობის“ სამიტი. ასევე, ხაზი გაესვა იმ პოლიტიკური მესიჯების მნიშვნელობას, რომელიც საქართველოს პრემიერ-მინისტრმა რიგაში, ევროპელ ლიდერებთან შეხვედრებისას მიიღო და რომელთა თანახმად, პოლიტიკური გადაწყვეტილება, ვიზის ლიბერალიზაციასთან დაკავშირებით, მიღებულია, დარჩენილია მხოლოდ ტექნიკური პროცედურები. შეხვედრას მინისტრთა კაბინეტის წევრები, პარლამენტის თავმჯდომარე და დეპუტატები დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა